UJABULELA UKUDLONDLOBALA OWE-MAN U
WENEME ngokukhula kwebhola lakhe uromelu Lukaku ongumgadli oqavile wemanchester United ezama ukufica omkhaya imanchester City esicongweni se-log ye-english Premiership.
Lo mgadli uthi kumjabulisa kakhulu ukuthi useyakwazi ukukhanda amagoli. Uthi yena into akhule eyazi wukuthi umsebenzi wakhe wukuhlohla amagoli nje kuphela enkundleni.
“Indlela engidlala ngayo manje isihluke kakhulu kwebengiyijwayele. Ukufika lapha e-old Trafford kushintshe izinto eziningi ebholeni lami.
Manje sengiyazi ukuthi akumqoka ukuthi kube yimina ohlohla amagoli kodwa kumele ngibuye ngiwakhande. Iqiniso lihle, mina bengibuye ngizidlalele mina kanti lapha sengidlalela impumelelo yekilabhu yonkana,” kusho lo mdlali wasebelgium. Ulukaku usevalele amagoli angaphezulu kweshumi kwipremier League selokhu efike e-old Trafford esuka kwi-everton nayo edlala kwi-english Premiership.
Ired Devils ibiqhathwe nehuddersfield Town izolo ngomgqibelo kowe-english Premiership. Iye kulo mdlalo ibuya esibhaxwini esithole kwitottenham Hotspur eyinenebule ngo-2-0 phakathi nesonto.
Imidlalo ye-english Premiership namuhla ngesonto iqhathwe kanje:
Crystal Palace vs Newcastle United 16h15 (SS3).
Liverpool v Tottenham Hotspur 18h30 (SS3).
KUSASA NGOMSOMBULUKO
Watford vs Chelsea 22h00 (SS3). * Eyespanish La Liga ihlelwe kanje: NAMUHLA NGESONTO
Getafe vs Leganes 13h00 (SS7). Espanyol vs Barcelona 17h15 (SS7). Girona vs Athletic Club 19h30 (SS7). Atletico Madrid vs Valencia 21h45 (SS7).
KUSASA NGOMSOMBULUKO
Las Palmas vs Malaga 22h00 (SS7).