IGAGASI FM LIHLELE INDUMEZULU YEZOTHANDO
Kuboshelwe abaculi abaphezulu
Labo abangenabo abahlekisana nabo asibashiyile ngaphandle...
ASEQALILE amalungiselelo ezinhlelo zenyanga yezothando unhlolanja (February) ezindaweni ezahlukene njengoba sekusondele usuku lwevalentine's.
Isiteshi somsakazo igagasi FM lizobe lenze ikhonsathi okuzobe kunandisa kulona abaculi abehluke. Lo mcimbi uhambisana nakho belu ukugubha le nyanga yothando.
Ukhulekani Shandu okhulumela igagasi uthi ukugqugquzela ukuthandana kulo mcimbi kuzobe kukhona itende okuzobe kuhleli kulo izithandani, kanti nabangenabo omaqondana nabo abavalelwa ngaphandle.
“Labo abangenabo abahlekisana nabo kasibashiyile nga- phandle, sizoba netende labo, hleze umuntu angathi ehamba ebe esethole umaqondana wakhe noma umngani.
"Uzoqaphela ukuthi ngisho abaculi esibamemile ngabagqugquzela lowo muzwa wothando,” kusho yena.
Le khonsathi izobe yenziwe yigagasi FM ngokuhlanganyela NENUZ Events neciko PR & Communications ngomhla zili17 kwephezulu emoses Mabhida People’s Park.
Phakathi kwabaculi abazobe bekhona kubalwa uvusi Nova, ukelly Khumalo, ubrenda Mtambo, unaima Kay, ukaylow, u-afrotraction nomondli Ngcobo. ODJ abazobe bekhona kubalwa ujunior De Rocker, UDJ Lab, ulesoul, UDJ Monty nostanky. Kwabazobe bephethe uhlelo ngumzokoloko, ucollen Zondo, ufelix Hlophe, uflymotion, uzola Zee Lovin nopastor Zondo.