SIGANE UNWABU ISITOBHA SE-DOWNS
Idowns ivuma eyokuxoxa nesupersport ngonthethe
UDINWE uthelwa ngamanzi umdlali wemamelodi Sundowns okuvela ukuthi ukhala ngesihluku esenziwe yile kilabhu kuyena inqaba ukumudedela ekubeni ingasamdlalisi.
Inkontileka kathabo Nthethe ( osesithombeni) oyisitobha sedowns iyaphela uma kusongwa le sizini.
Idowns kubukeka ingeke iyelule njengoba isiqedile ngabo bonke abadlali bayo abebephelelwa yizinkontileka kodwa eyakhe yangavuselelwa. Lo mdlali bekulindeleke ukuba ajoyine i-orlando Pirates ngaphambi kokuba kuvalwe iwindi lokudayiselana ngabadlali ngolwesine kodwa akwaze kwenzeka.
Leli phephandaba lithole ngomunye wabadlali bedowns oson- delene kakhulu nonthethe ukuthi udinwe ugane unwabu njengoba idowns inqabe ukumudedela ekubeni ingafuni ukumdlalisa. Kuthiwa idowns ibifuna imali kwipirates kodwa yona yama kwelokuthi uma engeza nephepha lakhe nje izomsayinisa. Kugcine kubhuntshe kanjalo ukuthi lo mdlali ajoyine ibucs ebukeka ivuza emuva.
Leli phephandaba lishayela uthulani “TT” Thuswa wezokuxhumana kwisundowns ngalolu daba, uthe: “Engingakusho nje wukuthi unthethe usengumdlali wethu.”
Leli phephandaba libe selithola ukuthi lo mdlali kungenzeka avumbuke kwisupersport United nayo okuthiwa iyamfuna.
Uthuswa ukuvumile ukuthi basaxoxa nale kilabhu ecijwa nguEric Tinkler ukudayiselana ngalesi sitobha.
Imizamo yokuthola utim Sukazi weqt Sport ephethe izindaba zikanthethe iphunzile njengoba ucingo lwakhe belukhala kodwa lungabanjwa.