THANDI ZONDI
1. UYAZI ukungalali kuzogcina kungifaka enkingeni. Ngithe ngizihambela eberea ngolwesine ngesonto eledlule ngabona lo muntu okuthiwa wubhizar kwelinye lamahashahasha. Ungene ejoyintini ehamba nosisi ozikhathalele nje, anginankinga-ke nalo sisi okhathele abehamba naye. Okungihlukumeze tu wukuthi abuze wonke umuntu ukuthi uphuza ini ukuze ezomthengela. Mfana wami, usemncane phela wena usadume ngegobisiqolo nje kuphela. Manje usuhamba ugobisa iqolo emahashahasheni ucela ukuthengela abantu utshwala! Uzolamba mfana wami.
2. WAZE wakhula ukim, syabonga. Phela thina bantu besifazane bese sisaba nokusondela kuyena ngoba uvele afune amanzi ewolintshi (ukuqabula). Ngeledlule bengihambele indawo yokujabula ema- shamplane’s ngabona enye intokazi izicelela ukuqabula, wavele wakhuza ibhadi ukim.
Angikaze ngizizwe ngiphephe kanje empilweni yami.
Siyabonga
Kim ngokusihlonipha njenga- bantu besifazane, phela lento yakho ibisithusa. 3. KUKHONA lo mphuphe kadj odumile kulezi nsuku ozibiza ngodj Recoffee. Mfana wami, angazi ukhohliswe wubani noma sekuwukuqala kokuhlanya? Ngiyabona impela uyafana noblack Coffee kodwa lokho akukuniki igunya lokuzenza yena. Ngicela uyekele lento oyenzayo, wumbhedo wodwa. Okungithusa kakhulu wukuthi nemali oyibizayo iyathusa. Uma ucabanga nje ngubani ongaqasha imfundamakhwela ngoR70 000? Uzofa yindlala bhuti.
4. LOLU phuthu oludayiswa ngudj Kotin ngiyasola selumsanganisa ikhanda, mhlampe uludla kakhulu. Ngimuzwe echoma ngokuthi usokiwe, uthi usokwe ngonyaka owedlule.
Okungiphatha kabi wukuthi ubememeza kuzwa wonke umuntu obelaphaya ekhishini lakhe, inkonzo’s ukuthi usokwe ngonyaka owedlule. Kotin, leyo nto kumele ngabe wayenza usamncane kabi.
Besingalindele ukuthi njengoba usumila intshebe emhlophe ngenxa yobudala yima usoka. Futhi akuyona into yokumenyezwa emakhishini le, into yakho nenkosikazi yakho uma unayo. Angiboni nokuthi unaye kwalowo nkosikazi. 5 KUNABANTU abavela kanye nje ngonyaka njengamakhekhe kakhisimuzi, emuva kwalokho ngeke uphinde ubabone usuyolinda unyaka olandelayo. Leli geza lensizwa yaseMatshana elingumphathi wezinhlelo, ujabulani Shandu, ungomunye wabo. Uma ungangixoxela kahle Jabulani usuke wenzani unyaka wonke njengoba uvela ngozibandlela kuphela nje. Uphila ngani unyaka wonke noma welusa izinkomo zakini bese ngamaholidi izingane zesikole ziyakukhulula.