Ipirates ingase iphuce i-arrows iqatha
Utakulwe ngabafana Bes'thende eseyifenisha
I-ORLANDO Pirates ingase iphuce ilamontville Golden Arrows iqatha emlonyeni njengoba kuvela ukuthi ifuna umdlali emboleke kwibidvest Wits.
Abafana Bes’thende batsheleke ujabulani “Mjafefe” Shongwe odlala esiswini osemabhukwini ezitshudeni. I-arrows iboleka lo mdlali nje, ubesephenduke ifenisha kwiwits njengoba isikimu ubesesizwa ngendaba. Nakuba efike kwi-arrows engekho esimweni esihle njengoba ubenga- dlali, kodwa ubukeka ebuyela efomini yize ebuye aphazanyiswe wukulimala.
Leli phephandaba lithole ukuthi ipirates ihlela ukuhlangana nomphathi walo mdlali ngenhloso yokuthi asayine inkontileka yesibambiso.
Inkontileka yakhe ne-wits iyaphela uma kusongwa le sizini esikuyona.
Leli phephandaba lishayela ujazzman Mahlakgane oyimenenja kashongwe ngalolu daba, uthe: “Engingakuqinisekisa wukuthi inkontileka yakhe newits iyaphela uma kusongwa isizini.
"Akhona amakilabhu aseke asithinta kodwa sisawaqhelisile ngoba sifuna adlale ngokukhululeka kwi-arrows, angaphazamiseki.
“Ushongwe ujabule kwi-arrows, usebenza kahle nethimba labaqeqeshi.
"Uma i-arrows imdinga sizoyilalela ngoba akakufihli ukuthi imphethe ngokweqophelo eliphezulu. Ngeke kuwenze umqondo ukugijima aye kwenye indawo angazi ukuthi uzophatheka kanjani kuyona.
"Kungcono ahlale lapho ejabule khona ngaphandle-ke uma kuyiyona i-arrows engamudingi.”