SEBASTIAN JILI
NGABE WUSUKU LWAKHO LOKUZALWA NAMUHLA?
ZIMISELE ngokuba yisibonelo kulabo osondelene nabo. Ukuqoqa ulimi nokuba nezenzo ezihloniphekile nawe kungakwenza uhlonipheke kakhulu. Uzonakwa ngabathile obucabanga ukuthi abakunakile.
ARIES
UNGALINGE ube manqika uma kumele uxazulule izinkinga zakho. Kukhona ezinye izinkinga okumele ube neso elibanzi kuzona ukwazi ukuzigwema. Uyaqonda ukuthi abanye bathembele kakhulu ebuhlakanini onabo.
TAURUS (April 20-May 20)
KUKHONA ezinye izinto ezingeke zahamba njengokwesifiso sakho. Unamandla aphelele namaqhinga ahlukene okubhekana nezimo ezithinta wena kuze kukapakele emndenini wakho.
GEMINI (May 21-June 21)
KUKHONA ubuhlobo okungamele uzame ukubuqeda kodwa ubuthuthukise. Nakuba lukhona uvalo ngekusasa kodwa amathemba akho aphezulu. Okuzokusiza wukunqoba uvalo uxhumane nabanye abangakusiza.
CANCER
OKULINDELEKE kuwena wubuqotho nokwenza izinto eziqondile. Ungalinge ungabaze amandla onawo ezinhlelweni ezisemqoka okumele uziqalise. Ezinye izimo ungalinge uzitatazelele.
LEO (March 21-April 19) (July 23-August 22)
LANDLELA izinhlelo ezibhalwe phansi manje khona uzobona uma uvilaphile noma ukhuthalile. Izinto ezingekho mqoka kumele uqhelelane nazo, kanjalo nabangani abazodla isikhathi sakho kumele ubagweme.
VIRGO (June 21-July 22) (Aug 23-Sept 22)
UYAZAZI uqine kuphi futhi uyaziqonda lapho obuthaka khona. Ungabuvumeli ubuthaka bakho kube yibona ozokwaziwa ngabo ikakhulukazi kulabo abakuhloniphayo. Nguwena ongavuthela inhlasi yothando lwakho manje.
LIBRA (Sept 23-Oct 22)
USUVUMILE ukuthi impilo yakho incike kakhulu ekuxazululeni izinkinga zabanye. Ezinye izinselelo obhekana nazo usuyaqonda ukuthi ziyakuqinisa, azifikeli ukukuqumba phansi. Isigaba okuso sikudinga ube nemibono eyakhayo ngaso sonke isikhathi.
SCORPIO (Oct 23-Nov 21)
NOMA yini oyenzayo noma incane kumele uqikelele ukuthi uyayenzisisa ngoba ingakuvulela amathuba empumelelo. Kokunye ubuye uphatheke kabi, usole sengathi labo osondelene nabo abakunakile.
SAGITTARIUS (Nov 22-Dec 21)
ABANGANI abakulahlisa amathemba kumele uqhelelane nabo. Izinkinga onazo kumele ungazihlanganisi nomsebenzi wakho. Uma uzothatha isinqumo kumele ucabange ngemiphumela kuqala.
CAPRICORN (Dec 22-Jan 19)
KUNEZINTO okungamele uzenze ngenhloso yokujabulisa abanye wena ungajabuli. Kulindele ukuba khona kwezinguquko ezithile empilweni yakho. Ungalinge ubakhohlwe labo abakwenzele okuhle empilweni yakho.
AQUARIUS (Jan 20-Feb 18)
IZINQUMO ezithathwa ngabanye uma zizocindezela wena ungazivumeli. Uyakudinga ukuba nesineke ikakhulukazi ebudlelwaneni bakho. Imali yakho kumele uqikelele ukuthi awuyisaphazi noma kanjani.
PISCES (Feb 19-March 20)
UBUYE uzwele kalula uma abanye bekugxeka. Kuzodingeka uzifundise ukwenza izinto eziqondile ngaso sonke isikhathi. Impilo yakho ihlale iwumzabalazo ezintweni eziningi ezahlukene.