UKADODIA UVULEKE AMEHLO BENQOBA USUTHU
USEPHUME umkhankaso wokuthungatha umgadli ngenhloso yokuvala isikhala sika-evans Rusike amdayise ngoba entula imali ufarook Kadodia ongumnikazi wemaritzburg United eziyihambela kahle izinto kwi-absa Premiership.
Iteam of Choice inqobe umdlalo womkhaya obubhekwe ngabomvu iguqisa Amazulu FC ngo-2-0 koweAbsa Premiership ngolwesihlanu ebusuku eharry Gwala Stadium, emgungundlovu.
Ubandile Shandu nosiphesihle Ndlovu yibona abawelise imaritzburg bevalela amagoli kulo mdlalo.
Usuthu luqede lo mdlalo lungasaphelele kukhishwa ngekhadi elibomvu ubutholezwe Ncube ngesiwombe sesibili luvele luhlulwa ngo-1-0.
Ukadodia uthi sihlale obala isikhala sikarusike amdayisele isupersport United ngenyanga eyedlule yingakho esenqume ukuphuma umkhankaso wokuthungatha umgadli.
“Lo mdlalo ungivule amehlo ukuthi siyamdinga umgadli ngendlela esibuthuntu ngayo phambili.
"Ukushaya amagoli kwabadlali ababili basesiswini kulo mdlalo kuyizinkomba zalokho.
"Maduzane ngizomema abagadli bangaphandle ngenhloso yokuzobahlola.
“Bakhona vele esesike saxhumana namakilabhu abo, sekusele nje ukuthi batheleke. Ngijabule ngalo mphumela womdlalo wosuthu. Ngikholwa wukuthi manje sesidinga amaphuzu ayisi-9 nje kuphela ukuqinisekisa ukuthi sisonga kwi-top 8,” kusho Kadodia.
Ucavin Johnson ocija usuthu, uthi alikashabalali iphupho labo lokusonga bekwi-top 8.
“Kulo mdlalo sibulawe wukukhishwa kukabutho. Besiyibambile imaritzburg. Nokho lo mdlalo usivezele lapho kufanele silungise khona. Ithemba le top 8 lisekhona okufanele sikwenze nje wukuvusa amakhanda siqinisekise ukuthi siyawunqoba umdlalo ozayo,” kusho ujohnson.