LINGASE LIGCWALE UMOYA KU-WENGER
ITSHE limi ngothi ku-arsene Wenger ongumqeqeshi we-arsenal ephikwa yizinto kule sizini kwiEnglish Premiership.
Uwenger unikwe inkontileka entsha ngasekupheleni kwesizini edlule.
Unikwe le nkontileka engaphansi kwengcindezi njengoba le kilabhu ingadlalanga kahle kwipremiership. Usizwe wukunqoba IFA Cup.
Ilokhu iqina imibiko yokuthi uzokhonjwa indlela kule kilabhu uma kuphela isizini enganqobi lutho.
Nokho usenalo ithuba lokuzigcina ezinhliziyweni zabalandeli bale kilabhu njengoba eqhathwe nemanchester City kowamanqamu weleague Cup mhla zingama-25 kwephezulu.
Okunye okumnika ithemba wukuthi usekhona kwi-europa League njengoba behlule i-ostersunds ngo-3-0 kulo mqhudelwano ngolwesine.
I-europa iyithikithi lokungena kwi-uefa Champions League.
Abukeka emancane amathuba okuthi i-arsenal ingene kwicha- mpions League ngesizini ezayo njengoba isele kakhulu ekilabhini esendaweni yesine. Uwenger uthi akazikhathazi ngekusasa lakhe. Uthi umqondo wakhe ugxile ekutheni le kilabhu inqobe lezi zinkomishi ezisele.
Uthi ikusasa lakhe kalikho ezandleni zakhe, kodwa likubaphathi bekilabhu.
Irochdal iqhathwe netottenham Hotspur namuhla ngesonto ngo-18h00 kanti iwigan Athletic izokwamukela imanchester City kusasa ngomsombuluko ngo-21h55 emidlalweni yefa Cup. Le midlalo izoboniswa bukhoma kwiss3.
Imidlalo yespanish La Liga ihlelwe:
NAMUHLA NGESONTO
Real Sociedad vs Levante 13h00 (SS7).
Atletico Madrid vs Athletic Club 17h15 (SS7).
Espanyol vs Villarreal 19h30 (SS7).
Real Betis vs Real Madrid 21h45 (SS7).
KUSASA NGOMSOMBULUKO
Getafe vs Celta de Vigo 22h00 (SS7).