INUKA EKHALENI IMPUMELELO KWABOMCULO WESINTU
ASETHUBENI elikhulu lokufinyelela empumelelweni ngokushesha amaciko esifazane agxile emculweni wesintu njengoba kunenhlolokhono ebhekele ukusiza wona kuphela. Sekube nezikhalo eziningi phambilini zokuthi abesifazane basilele emuva ikakhulukazi kulolu hlobo lokunandisa ngomculo wesintu. Nanamuhla yinto engephikwe ukuthi uma kukhulunywa ngabaphambili kumasikandi, kubalwa inqwaba yabesilisa ngokunjalo nakumbhaqanga, isicathamiya nezinye izinhlobo zesintu.
Abemaz Records/entertainment okuqopha phansi kwayo nentokazi efike ngegiya eliphezulu kumasikandi uglama Kamasikandi nezindlovukazi Zikamageba bahlele inhlolokhono ezoxuba yonke inhlobo yomculo wesintu.
Umnu Musa Zulu wale nkampani uthi kuzoqalwa ebat Centre ngomgqibelo esibheke kuwo womhlaka-10, kuzobhaliswa khona futhi bese kuhlu- ngwa abahlanu abazomenyezelwa ngalo lolo suku.
Uthi bazodlulela nakwezinye izifundazwe bafike nakhona bahlunge abahlanu abenze kangcono.
Uthi kuzothi ekugcineni kuhlungwe ishumi elibaqwaqwade emakhanda bese licula ngokuhlanganyela nezindlovukazi baphinde banikwe ithuba lokuqoshwa ngabodwana kuleyo mikhakha yabo.
Izindlovukazi Zikamageba zine-albhamu eziyiphekayo, nokuyiyo ezizoyiphothula sekunalaba abahlungiwe nokusho ukuthi kuzoba wuhlelo oluphuthumayo.
“Sinxusa wonke amaciko aphume ngobuningi, nalabo abazithembayo uma becula nabanye bazobhalisa ngoba ngeke kuthathwe iqembu lonke kodwa kuzothathwa obebhalisile.
“Kuzophela ukuthi abesifazane bathi kabaqasheki ngoba sizobanika ithuba sibalekelele ukubaveza. Abanye bazoba nenhlanhla ngoba simeme nezinye izinkampani ezisemkhakheni ofanayo ukuba zizohlwaya ikhono kule nhlolokhono,” kusho uzulu osezakhele olukhulu udumo ngokulekelela amaciko kamasikandi.
Phakathi kwamajaji kukhona nabasakazi bokhozi FM umroza Buthelezi no Zimiphi “Zimdollar” Biyela nezindlovukazi Zikamageba.
Kuzophela ukuthi abesifazane bathi kabaqasheki ngoba sizobanika ithuba.