Uphendlelwa umsebenzi kwichiefs
Unerekhodi lemidlalo eminingi ye-derby
IKAIZER Chiefs okungenye yamakilabhu ahlonishwayo e-afrika iphendlela umdlali wayo isikhundla emahhovisi ale kilabhu ngenhloso yokuthi aqhubeke nokusebenza kuyo njengoba esehlale isikhathi eside.
Usiphiwe “Shabba” Tshabalala ungomunye wabadlali abathandwa kakhulu kwiChiefs njengoba ekade ewa evuka nayo. Usegijime kuyona iminyaka eli-11. Nguyena obambe irekhodi lokugijima imidlalo eminingi yomkhaya ne-orlando Pirates njengoba izolo ngomgqibelo ntambama EFNB Stadium, esoweto ubedlala owama-31.
Leli phephandaba lithole ukuthi lo mdlali oneminyaka yobudala engama-33 usazimisele ngokuphusha amasizini amabili kule kilabhu bese ewabeka ethala amakhokho akhe.
Kuthiwa ichiefs imatasa izama ukumelulela inkontileka anayo nale kilabhu ngeminye iminyaka emibili.
Kuthiwa phezu kwalokho imuphendlela isikhundla sasehhovisi kule kilabhu.
Leli phephandaba lithinta ubobby Motaung oyimenenja jikelele yeChiefs ngalolu daba wale waphetha ukuphawula ngalo wathi abafune zindaba ezizobaphazamisa emgqigqweni wabo njengoba befuna ukunqoba isicoco seligi.
Ujazzman Mahlakgane ophethe izindaba zikatshabalala uthe angakuqinisekisa wukuthi ichiefs ifuna ukwelula inkontileka yalo mdlali okunye akanalwazi lwakho.
Uthe ngeke akwazi ukuphawula ngayo kade ngoba bahlela ukuhlangana nechiefs kuqala kuyima kucaca yonke into.