KUTHISHWA I-MANCHESTER CITY UKUBHUQUZISA I-CHELSEA KOWE-EPL
IMANCHESTER City izodudulana nechelsea kowe-english Premiership namuhla ngesonto ngo-18h00 ihambela phezulu njengoba isiyibambe ngesandla esisodwa inkomishi yebarclays Premiership.
Icity iphinde yanenebula i-arsenal ngo-3-0 ngolwesine kusihlwa kowepremiership e-emirates Stadium, okuyikhaya layo igunners.
Ibisiyiphinda njengoba ngempelasonto eyedlule iyinike uswazi olufanayo kowamanqamu weleague Cup.
Ileague Cup bekuyinkomishi yokuqala kapep Guardiola selokhu eqale ukuqeqesha icity ngesizini eyedlule.
Icity ibukeka isiyithathile inkomishi ye- premiership njengoba ukuhlula i-arsenal kuyenze yaba namaphuzu anga- ma-75.
Ichelsea okuyiyona evikela le ndebe, isendaweni yesihlanu ngamaphuzu angama-53. Ichelsea isilwela ukuqeda endaweni yesine ukuze ikwazi ukubamba iqhaza kwi-uefa Champions League ngesizini ezayo.
Uguardiola usephumele kaningi obala ukuthi kumqoka ukusheshe baqede ngesicoco se- premiership ukuze bagxile kwichampions League.
Imidlalo ye-english Premiership namuhla ngesonto ihlelwe kanje:
Brighton & Hove Albion vs Arsenal 15h30. Manchester City vs Chelsea 18h00.
KUSASA NGOMSOMBULUKO
Crystal Palace vs Manchester United 22h00.
...isiyibambe ngesandla esisodwa inkomishi yeBarclays Premiership.