IKHALA NGONOMPEMPE I-BARCA
ISIKUDLULISILE ukubanjwa inkunzi ngunompempe ibarcelona eqhathwe ne-atletico Madrid kowe-spanish La Liga namuhla ngesonto ngo-17h15.
U-andres Iniesta ongukaputeni webarca uthi kubaphule umoya okwenziwe ngu-antonio Mateu Lahoz obephethe umdlalo wale kilabhu nelas Palmas ophele ngo1-1 ngolwesine kusihlwa.
Lo mdlali uthi besingekho isidingo sokubeka iphenathi okuyi-yona eholele ekutheni ujonathan Calleri ashaye igoli lokulinganisa. Leli goli belicisha elikaLionel Messi obekuyi-free-kick.
Okwenza ibarca idinwe yizinqu- mo zikanondweba, wukuthi ishiya i-atletico ngamaphuzu ayisihlanu. Ibarca iqhwakele kwi-log ngamaphuzu angama-66 emidlalweni engama-26. I-atletico isendaweni yesibili ngamaphuzu angama-61 emidlalweni elinganayo. Umbango walama kilabhu yiwona owenza kulindelwe umdlalo omnandi namuhla.
U-iniesta uthi bazokwenza konke okusemandleni ukunqoba lo mdlalo ukuzigcina behleli esicongweni. Uthi ngeke bavume ukuthi i-atletico iphazamise izinhlelo zabo zokuvikela le nkomishi.
U-antoine Griezmann waseFrance ongumgadli we-atletico kulindeleke ukuthi abe yiphela endlebeni ezitobheni zebarca. Lo mgadli uvalele amagoli amathathu benenebula ileganes ngo-4-0 phakathi nesonto.
Isiyonke imidlalo yespanish La Liga namuhla ngesonto ihlelwe kanje:
Levante vs Espanyol 13h00 Barcelona vs Atlètico Madrid 17h15
Real Sociedad vs Deportivo Alaves 19h30.
Valencia vs Real Betis 21h45.
KUSASA NGOMSOMBULUKO
Celta de Vigo vs Las Palmas 22h00.