Zizodlana imilala kwi-vdj
ZIZOBE zidlana imilala nakulo nyaka kwiVodacom Durban July (VDJ). Ingqephu YEVDJ yakulo nyaka kufanele ihambisane nengqikithi ethi “It is Time”.
ILANGA Langesonto likhulume nabasiki bengqephu abahamba phambili kwezemfashini ukuzwa ukuthi le ngqikithi isho ukuthini nokuthi abathandi bengqephu bangenza kanjani ukuba bangashayi eceleni ngemisiko yabo, kodwa bahambisane nayo (ingqikithi). Umxolisi Luke Mkhize weHouse of St Luke, uthi kubalulekile ukuba ubheke imfashini yaseminyakeni edlule uma uzama ukuhumusha ingqikithi yakulo nyaka bese ukhetha eyodwa. “Mina ngibuke ikakhulu le ngqikithi yefilimu i-titanic njengoba kwakunabantu bamazinga ehlukene empilo - kukhona abadla izambane likapondo, abaphakathi nendawo, nabaswele - bonke babenezitayela zabo. “Ngigxile kulaba ababesezingeni eliphezulu ( 1st class), ngabuka indlela ababegqoka ngayo okuyindlela enesitayela,” kuchaza yena.
Uthi isitayela esithi asifuze lesi, yileso esibonakale emshadweni obungundabuzekwayo wasebukhosini bamangisi.
“Kumele ube elegant, classy and simple futhi umsiko wakho utshengise ukuba nokuhlanzeka. Kumele ulandele indlela yokugqoka edonsa isitayela sakosophiatown, ubheke indlela ababegqoka ngayo abantu abanjengodorothy Masuka, - begqoka izingubo ezibabamba zibadedele ezansi, bafake namagloves.
“Kufanele uphinde ubuke indlela yokugqoka yomuntu ofana nomculi ufrank Sinatra waphesheya kwezilwandle. Kumele ugqoke ezingasoze zabuna kwimfashini,” kusho umxolisi.
Kanti u-eulender Cele ongumsiki wengqephu ngaphansi kwelebuli yakhe i-eullue, uthi ugxile ikakhulu kwezase-afrika.
“Imibala engiyisebenzisile (kwingqephu eqondene NEVDJ yakulo nyaka) ngetshengisa umbala wenhlabathi yakuleli njengoba wazi ukuthi kunezindawo ezinombala wenhlabathi obomvu, onsundu neminye imibala nezindwangu ezingama- prints.
“Ngenze imisiko ethi mayibe yisigege ngokusebenzisa indwangu nobuhlalu,” kuchaza u-eulender.
Uthi sekuyisikhathi se-afrika manje, kumele zibuye emasisweni.
Utiffany Prior oyifashion Programme Director kwivdj, uthi iyamchaza ingqikithi yakulo nyaka ngoba isikhathi sibaluleke kakhulu kubasiki bengqephu. “Ukuhlela, ukuzilungiselela nokucikoza ngendwangu, konke lokho ekugcineni kuba wuhambo abaluhambayo abasiki bengqephu ukwenza umsiko.
“Kwesinye isikhathi bayazinika isikhathi kodwa kokunye kabaziniki. Ukubuka ingqikithi yakulo nyaka kwezemfashini ngingayichaza ngithi ezingasoze zabuna nobuhle ngokunakekile.
“Ngisho kungabe iyiphi i- design kumele ikwazi ukuhambelana nosuku lomjaho,” kuchaza yena.
Amathikithi akulo mcimbi aseqalile ukudayisa e-computicket. tzondi@ilanganews. co.za
Kumele ube