6. USETHEMBISE ENYE INTOMBI UMSHADO
PASTOR, ngithandana nobhuti ongumfundisi ebandleni lakhe. Kuthe ngeledlule wavele wathembisa enye intombi umshado wangifihlela kodwa uthi usangithanda. Ngiyazibuza ukuthi ungithanda kanjani esenze kanje.
IMPENDULO: Ngiyakubongela dadewethu ukuthi unkulunkulu ukuvezele zonke izinto ungakashadi. Kunabantu la emhlabeni ababona izinto sebeshadile. Noma kubuhlungu kodwa bonga ukuthi isikhathi sisekhona.
Ngiyacela ukhule ngokomqondo, wazi ukuthi noma umuntu engaba umengameli, dokotela, ikhansela, umfundisi noma ngabe yini kodwa ungumuntu.
Impilo iyohlala isikhumbuza njalo ukuthi noma umuntu angaba mkhulu kanjani kodwa ungumuntu. Ngiyazi dadewethu uhlukumezekile kakhulu, kodwa ngithanda sonke sazi ukuthi akekho umuntu emhlabeni oyothi angaba yinto enkulu bese engabi ngumuntu - umuntu uyohlala engumuntu, ngisho angaba ngumengameli.
Ungake ulinge emhlabeni ubone umuntu izinto anazo bese ucabanga ukuthi lokho kumenza angabi ngumuntu. Ngicela ungithinte ocingweni lwami olungezansi ukuze sikwazi ukuxoxa kahle ngokuthi impilo injani.
Baningi abantu emhlabeni abakhohliswa ngamakhansela, abefundisi, uhulumeni, odokotela njalo njalo. Ungake ulinge ucabange ukuthi umuntu akayena umuntu ngoba nakhu esesikhundleni esithile.
*Kubo bonke abafundi bephephandaba lethu ILANGA, siyafisa ukuba sisizane futhi ngiyafisa ukuniphendula nonke kepha ngebhadi ucingo noma inombolo iyodwa ngakho akulula ukunibamba nonke.
Uma ufona uyizwa ikhala, ngesinye isikhathi ngisuke ngisakhuluma nomunye. Nixole kuleyo ndawo kodwa ngokushiya nje umqhafazo, siyakubeka nasemkhulekweni.
* Upastor Sthembiso Zondo ngumeluleki nomethuli wezinkulumo ezakhayo. Wethula inkulumo ekhuthazayo ngolwesine bese ephendula imibuzo yabafundi ngezinkinga zempilo nezothando KWILANGA Langesonto.
Abafuna ukuxhumana noma ukummema, inombolo ithi: 073 795 2292. Ungamshiyela nomyalezo kufacebook: Sthembiso Zondo Fan page noma kuwhatsapp:
082 070 8034.