SEBASTIAN JILI

NGABE WUSUKU LWAKHO LOKUZALWA NAMUHLA?

ZIHLANGANISE nemisebenzi ezokugcina umatasa khona ungeke wenze izinto ezizokulahlekisa. Ungumuntu ozithandayo futhi ongathandi ukubukelwa phansi. Amagalelo akho kumele akugqamise ngaphezu kokukhuluma kwakho.

ARIES

USUNOMKHUBA wokungabethembi kalula abantu ngenxa yezigameko osudlule kuzona. Ukunyakazisa umzimba kuzokusiza ukuba uhlale uphilile. Funda ukuxola othandweni.

TAURUS (April 20-May 20)

KUNEZINTO ocabanga ukuthi zisemqoka kuwena kanti azikho semqoka. Umsebenzi wakho uyabona ukuthi unezinkinga ezidinga ukuba uhlale ucophelela. Kunemibuzo eminingi ozoba nayo engqondweni yakho.

GEMINI (May 21-June 21)

UZOKWAZI ukunciphisa izindleko zakho ngoba uyabona ukuthi isikhathi obhekene naso sinzima. Kumele uhlale uzingela impumelelo yakho kunokuba uzibuze imibuzo ethile engeke iphenduleke.

CANCER

IZINHLELO obukade uzihlehlisa kumele uziqedele manje. Ekujuleni kwemicabango yakho ubuye uzibone sengathi ungumuntu oyisahluleki. Usesikhathini sokuxwaya abantu abathile ngoba kukhona okuqaphelile kubona.

LEO (March 21-April 19) (July 23-August 22)

IZINQUMO ongazithatha yizona ezizoholela impilo yakho kwelinye izinga. Akumele uzihluphe ngabantu abakhuluma kabi ngegama lakho kodwa okwakho ukufuqa izinhloso zakho ziye phambili.

VIRGO (June 21-July 22) (Aug 23-Sept 22)

UNAMATHUBA avulekile emikhakheni ehlukene. Kodwa inkinga yakho obhekene nayo wukuthi izinto eziningi awusazethembi kalula. Isiphiwo sakho kwezokuxhumana kumele sikuzuzise.

LIBRA (Sept 23-Oct 22)

ABANTU basondela empilweni yakho ngezinhloso ezahlukene. Impilo yakho inezigigaba eziningi kakhulu. Uthando lwakho luzoba yindawo lapho ungaphumuza umqondo wakho khona.

SCORPIO (Oct 23-Nov 21)

KUKHONA abantu okungamele uqhudelane nabo ngoba ungazithuka usunenzondo kodwa bathathe njengesibonelo empilweni yakho. Usuqaphelile ukuthi uthando lusuka ekuxhumaneni ngokwemimoya nesithandwa sakho.

SAGITTARIUS (Nov 22-Dec 21)

UBUYE ube nolimi oluphunyukayo lukhulume izinto okungamele luzikhulume. Akumele ucabange ukuthi wazi konke kodwa kumele uvumele imicabango yabanye ikwakhe iphinde ikuthuthukise.

CAPRICORN (Dec 22-Jan 19)

USESIKHATHINI lapho uzoba nokungabaza ngezinye izinqumo ezisemqoka. Izinga lokucabanga kwakho lithuthukile futhi unemibono emihle kodwa kugcwele ukuphikisana okuningi engqondweni yakho.

AQUARIUS (Jan 20-Feb 18)

UNGABAVUMELI abantu bakuphazamise emibonweni yakho emihle. Uzozizwa unokufisa ukuxhumana nabantu abathile. Manje yisikhathi sokuba uveze izinto ezingakuphathanga kahle.

PISCES (Feb 19-March 20)

ABANTU obasizayo babuye bangakubongi ngendlela efanele. Amandla onawo ancike ekwenzeni izinto abanye abangakwazi ukuzenza kahle. Ungalinge ugudluke eqinisweni.