I-COMRADES INGENELWE NANGABAHAMBA NGEZIHLALO
ONGOTI baqine idolo ngokuphuma kuleli kwezingqwele zecomrades Marathon yanonyaka ezokuba ngesonto isukela ecity Hall yaseMgungundlovu isongwe emoses Mabhida Stadium, ethekwini. Lo mjaho ungenelwe ngabasubathi abangaphezulu kuka-20 000, kanti uzoqala ngo-05h30.
Umjaho wanonyaka uzokube ugubha iminyaka engu-93 wasungulwa kanti uzokube uyibanga lika-90km.
Ungenelwe ngabasubathi abaphuma emazweni angaphezulu kuka-80.
Nonyaka umzila uzokube uhluke kakhulu njengoba kuzosukelwa ecity Hall, emgungundlovu kuqondwe njalo kudlulwe escottsville bese kujoyinwa un3 amakhilomitha ambalwa bese uyajika usubheke emzileni wawo omdala.
Uma sekudlulwa esherwood lapho kune-cut off khona yokugcina, lo mjaho uzohamba ngasohlangothini elibheke ethekwini kungafani nakuqala lapho ubuphambana nezimoto uma kwehliwa.
Kulo mjaho kubhekwe ngabomvu ubongumusa Mthembu wa- Kwazulu-natal osubathela i-arthur Ford ukuzama ukuvikela ngempumelelo isicoco sakhe.
Umthembu kubhekwe ukuba athwale kanzima kubasubathi abaphekwa ngujohn Hamlett, ikakhulukazi kudavid Gatebe ophethe irekhodi uma kwehliwa alenze ngo-2016 (5:18) nogift Kelehe obe yingqwele ngo2015.
Abanye ababhekiwe nguLudwick Mamabolo onqobe ngo2012 kanti ngemuva kwalokho uhlale njalo engena nabokuqala abayisihlanu, uclaudia Moshiywa onqobe ngo-2013, ucharles
Tjiane, umncedisi Mkhize ongakwazanga ukuwuqeda nyakenye ngenxa yokulimala ukubala nje abambalwa.
Kwabangaphandle kubhekwe uhatiwande Nyamande wasezimbabwe ocishe wadlisela umthembu ogageni nyakenye, uprodigal Khumalo wasezimbabwe ongene nabokuqala abangu-10 nyakenye, utebogo Sello waselesotho ukubala nje abambalwa base-afrika, kanti bakhona naba- phuma emazweni angaphandle abasefomini enhle.
Ucuan Walker nowillie Mtolo abangabahlaziyi bezokugijima batshele leli phephandaba ngo- IJOMO Cosmos ihlule iplatinum Stars ngo2-1 emdlalweni wokugcina icala wama-playoff okunyukela kwi-absa Premiership izolo ngomgqibelo ntambama evosloorus Stadium.
Lo mdlalo ubugijinyelwa ukuzifudumeza njengoba udlalwe iblack Leopards isinyukele kwi-absa Premiership. Ingene ngokuhlula icosmos ngo-1-0 elimpopo.
Manje amehlo asethe njo ecaleni elifakwe yi-ajax Cape Town elwelwa ukubuyiselwa amaphuzu amathathu anikezwe iplatinum. I-ajax ikhala ngokuthi iplatinum inikwe amaphuzu kungafanele ngoba kayisifakanga isikhalo ngokudlaliswa kukatendai Ndoro osolwa ngokudlalela amakilabhu amathathu ngesizini eyodwa, okuyinto ephambene nomthetho wefifa.
Icala le-ajax kulindeleke ukuba lingene ngolwesithathu enkantolo enkulu yasegauteng kanti isabise ngokuthi uma liyilahla, izolidlulisela kwicourt of Arbitration for Sport (Cas) eswitzerland. Isinqumo esiphuma kwicas kusuke kuwujuqu.
Okwenza sibhekwe ngabomvu isinqumo ngaleli cala wukuthi uma singavuna i-ajax kungasho ukuthi imidlalo yama-play off ibingekho emthethweni njengoba igijinywe yiplatinum. kwahlukana ukuthi kumnyama kubomvu izingqwele zalo mjaho kubo bobubili ubulili kuzokuba ngezakuleli.
Nonyaka icomrades izokube inabasubathi abahamba ngezihlalo (wheelchair) nalabo ababona lufifi kanti odumile kubona nguMandla Zwane wakwanongoma ozokube egijima lo mjaho ihlandla lika-12.
Lo mjaho ube nezigigaba eziningi ikakhulukazi kwabesifazane kuhoxa ngaphambi kwawo ingqwele yanyakenye, ucamile Herron olandele ucaroline Wostmann wakuleli naye ikilabhu yakhe IKPMG ememezele ngemizuzu yokugcina ukuthi ngeke esalibamba iqhaza kulo mjaho ngenxa yokungabi qatha ngokwanele.
Ukuhoxa kwalaba basubathi kubukeka kuzokwenza izinto zibe lula kugerda Steyn oyingqwele yetwo Oceans Marathon othwelwe ngeqoma ukuhamba ezinyathelweni zikacaroline odle ubhedu kuyo yomibili le mijaho ngo-2015.
Yize ugerda ethe akafuni ukuzifaka ingcindezi engenasidingo ngalo mjaho, kodwa ukushiya kwakhe umsebenzi wequantity Surveying edubai, kukubeka ngokusobala ukuthi akezile ukuzosinisa amahleza.
Kwabesifazane usteyn ubukeka engase athwale kanzima kucharne Bosman obe yingqwele ngo-2016 eshiya imfivilithi ucaroline.
Abanye ababhekiwe ngudanette Smith, uyolande Maclean, umary Kourie ukubala nje abambalwa.
Izingqwele zizohlomula ngoR475 000 kwehle njalo kuze kufike kwabangene endaweni yeshumi.
Umsubathi wokuqala wakuleli uzothola u-r200 000 ngaphezulu bese kuthi owakwazulu-natal ahlabane ngo-r35 000 ophuma emnyangweni wezemidlalo.
Umklomelo wesifundazwe kubhekwe ukuba uthathwe nguMthembu kanti abangase bamthwalise kanzima ngumkhize, unkosinathi Duma othuse abaningi nyakenye engena nabokuqala abangu-20 ukubala nje abambalwa.
Kwabesifazane besifundazwe kubhekwe ufikile Mbuthuma ukuba ahlomule igolide lesibili kulo mjaho kanti omunye ngulisa Collett owenza kahle kakhulu.