UJABULISE ISIKHULU SE-ARROWS UMDLALI NGENKONTILEKA
INJABULO kumnikazi welamontville Golden Arrows umdlali wakhe oyisithenjwa evuselela inkontileka nale kilabhu elithemba lakwazulu Natali njengoba iqede ikunombolo yesi-8. Le kilabhu ngokuqeda kwi- top8 izovula isizini nemamelodi Sundowns ngesizini ezayo ekuhambeni.
Leli phephandaba lithole ukuthi umato Madlala ongusihlalo weArrows, ujabule yedwa ulerato Lamola ongalibheki ipali elula inkontileka nale kilabhu.
Kuthiwa lesi sikhulu besinovalo kwazise kunamakilabhu abemukhokhobela ngetshe lemali.
Umadlala exoxa NELANGA Langesonto ngolwesihlanu emini uzwakalise okukhulu ukujabula njengoba lo mdlali elule inkontileka nabafana bes’thende.
Umato uthe: “Ngingakuqinisekisa ukuthi ula- mola uyaqhubeka nekilabhu. Sithokozile kakhulu ngokuvuselela nomdlali odlale enkulu indima ekilabhini. Sikholwa wukuthi sizokwazi ukuvuselela nezabanye abadlali abaphelelwe yizinkontileka. Umdlali akazenzeli noma yini siyabonisana siyikilabhu. Ngiyezwa abantu bekhuluma ngabadlali bami ukuthi bayafunwa konke ngisakufunda emaphepheni. Kwa-arrows izinto zisenza ngendlela ehlelekile,” kusho umadlala.
Le kilabhu ibuye yavuselela inkontileka kalimbikani Mzava wasemalawi ngonyaka, bekubanjwe umoya ngalo mdlali. Kubukeka sengathi le kilabhu izokwenza kahle kwazise isenaba-dlali abahle abadlala kwimultichoice Diski Challenge (MDC) okubalwa kubona usiboniso Conco odle umhlanganiso kubadlali abenze kahle kumapsl Awards ngoLwesibili kusihlwa, esandton.