INGASE ILAHLEKELWE YISETHENJWA I-PMB UNITED
ISENGCUPHENI yokulahlekelwa ngomunye umdlali imaritzburg United njengoba kuvela ukuthi zingena zingenile izicelo ezivela emakilabhini ase-europe akhombisa ukumfuna.
Usiyanda “Magazi” Xulu odlala emuva kwimaritzburg uqokwe njengesitobha esivelele emcimbini WEPSL wokuklomelisa abadlali abenze kahle ngesizini esanda kuphela obusesandton Convention Centre, egauteng ngolwesibili ebusuku.
Leli phephandaba lithole ukuthi imaritzburg - eyenze ezibukwayo kule sizini ephelile ngokulala endaweni yesine kwi- log yaphinde yadlala kowamanqamu wenedbank Cup - ingase iphinde igqemeke enye ingozi njengoba kuvela ukuthi uxulu weshelwa ngamakilabhu ase-europe.
Nokho kuthiwa ufunwa kakhulu ngamabili aserussia amazela kwifc Rostov yakhona ake wayidlalela phambilini, okuthiwa abelokhu esibheke njalo isimo sakhe.
Uxulu kuvela ukuthi uyafunwa nje, imaritzburg isanda kuhanjelwa ngukaputeni wayo ubevan Fransman onqabe ukwelula inkontileka yakhe ebiphela.
Ukhonjwa kwihighlands Park esanda kwenyuselwa kwi-absa Premiership.
Leli phephandaba lithinta ufarook “Ntshebe” Kadodia ongumnikazi wemaritzburg ngalolu daba, uthe: “Okwamanje akukho engingakuphawula ngoba akekho umuntu osabeke okuthile phambi kwethu, basabuza nje ngaye.
"Uma kukhona obeka okuthile yilapho ngizoqala khona ngikhulume.
"Ngilokhu ngiyibheke njalo
i- computer yami akukangeni lutho. "Asilinde adlale kwicosafa mhlawumbe emuva kwayo kukhona okubhalwe phansi okuzoqha- muka,” kusho ukadodia.
Leli phephandaba liphinde lathola ukuthi uma kuwukuthi lo mdlali ugcina ngokungahambi angase aqokwe njengokaputeni omusha wale kilabhu.
Ubevele elisekela likafransman.
Nokho phambilini uke wakuveza ukuthi akaliphonsile ithawula ngokubuyela ukuyodlala phesheya.
Asilinde adlale kwicosafa, mhlawumbe emuva kwayo kukhona okuzoqhamuka...