BASEMUVA NGOKUQOPHA ABOZALO
KUBIKWA ukuthi babhekene nomqansa abakhiqizi bozalo ngenxa yokuthi basemuva kakhulu ngomsebenzi wokuqoshwa kweziqephu okumele zidlale kumabonakude.
Ngokuthola KWELANGA LangeSonto, lo mdlalo owuchungechu- nge otshengiswa KU-SABC 1 ngoMsombuluko kuya kulwesihlanu kufanele engabe ukuqoshwa kweziqephu zawo kuphambili ngezinyanga ezintathu kodwa kuphambili ngamasonto amabili kuphela.
Lesi simo kuthiwa sesiphoqe abakhiqizi nabaqondisi bomdlalo ukuba basebenze kanzima futhi kusetshenziswe izindawo ezimbili uma kuqoshwa, kungaqoshelwa endaweni eyodwa. Ngaphezu kwalokho abalingisi kuzodingeka benyuse amasokisi futhi kuthiwa kuzokwengezwa namahora okuqopha. Umthombo uthi ISABC esakaza lo mdlalo kayeneme ngokuba semuva kwabozalo. Okhulumela lo mdlalo unomfundo Zondi wenkampani idreamcatcher, akaphendulanga ngqo emibuzweni yaleli phephandaba kodwa unhlanhlathe washona eceleni.
Uthe bajabule kakhulu ngendlela uzalo oluqhuba ngayo ekukhiqizeleni ISABC. “Sisaqhubeka nokwenza nokuletha iziqephu ezishiya ababukeli bengawuvali umlomo. Lokhu kubonakale kumasouth African Film Awards (SAFTA) akulo nyaka lapho semuke nendondo yemost Popular TV Soap nokuqokwa kwakamuva kwiGeneration Next Sunday Times Youth Awards ngaphansi komunxa wecoolest Soapie nokuwumunxa esiwuwinile eminyakeni emibili edlule. Sizolokhu sizinikele ekukhiqizeni umsebenzi osezingeni eliphezulu,” kuchaza yena.
SIYABUYA isilomo esazakhela udumo kubabukeli ngamatemu amnandi emdlalweni kamabonakude owuchungechunge otshengiswa KUSABC1 phakathi nesonto, uzalo.
U-ernest Msibi ( osesithombeni)
obelingisa indawo ka-amos Ma Ada ubaziwa kakhulu ngetemu lakhe elithi ‘butepu’ elisho izinto ezinhle. Ngokuthola KWELANGA Langesonto lo mlingisi uzobuya esehamba nge- wheelchair.
Kuzokhumbuleka ukuthi unyamalale ngonyaka owedlule, akakaze abonakale kuze kube manje. Kuyimanje kuthiwa lo mlingisi ushutha kwiziqephu ezintsha zalo mdlalo, uzobuya ashubise.
Kuzokhumbuleka ukuthi ubesenyamanambana kubalandeli balo mdlalo njengoba ebesefake unosipho (Nompilo Maphumulo) kwizidakamizwa nasekukudayi- seni ngomzimba.
Ethintwa u-ernest ukuqinisekisile ukuthi uyabuya kulo mdlalo kodwa wangafuna ukuphumela obala ngokubuya kwakhe. Kuzokhumbuleka ukuthi phambilini wayekade ebizelwe ukuba alingise okwesikhashana kulo mdlalo. Kodwa ngendlela ayelingisa ngakhona wanyuselwa isikhathi sokuba yingxenye yalo mdlalo.
Kwahamba isikhathi wabuye wamiswa waba ngumuntu obesedunguza ebumnyameni engazi ukuthi kungabe basazomdinga yini abakhiqizi balo mdlalo.
ILANGA Langesonto likhuluma naye ubezwakala ukuthi ujabule ngokubuya kulo mdlalo onenqwaba yababukeli.
“Ngizobe ngizosaphaza kuphela. Abantu mabalindele ubumnandi bodwa. Ngizovela ngendlela akade bengayicabangi. Amatemu ngisazobuya nawo,” kuchaza yena. tzondi@ilanganews.co.za