ESKHALENI:
KUYANGICACELA ukuthi abanjwe ngobhongwane amazwe akhothama ngakwezomnotho kwiUnited States of America (USA) ukuvotela leliya lizwe ukusingatha indebe yomhlaba ngonyaka ka-2026.
I-USA ifuna ukusingatha lo mqhudelwano ngokuhlanganyela nemexico necanada, kanti elinye izwe eliyibheke ngabomvu yimorocco yase-africa.
Isouth African Football Association (Safa), izovotela la mazwe aholwa YI-USA. Lesi sinqumo sithathwe emhlanganweni wesigungu sesafa obungesonto.
Izimbabwe nayo isiphumele obala ngokuthi izovotela la mazwe aholwa YI-USA. Udonald Trump ongumengameli waseUSA, uphumele obala ngokuthi amazwe ancike kwi-usa kwezomnotho, ulindele ukuba avotele umkhankaso wabo.
Udanny Jordaan ongumengameli wesafa, phambilini uke waphumela obala ngokuthi bazovotela imorocco ukuze i-afrika ithole ithuba lokusingatha lo mqhudelwano okwesibili.
Akuphelanga ngisho izinsuku ezimbalwa, utokozile Xasa ongungqongqoshe wezemidlalo kuleli, wakuhlikiza lokhu.
Ushaye phansi ngonyawo wathi iningizimu Afrika ngeke iyivotele imorocco ngoba ihoxise inxusa layo kuleli ngo-2004 ngemuva kokuba iningizimu Afrika yamukele inkululeko yokuzimela kwesaharawi Arab Democratic Republic, edume ngele-western Sahara.
Ukushintsha kwesafa esinqumweni sokuvotela imorocco, kuyizinkomba zokuthi elakuleli lisabanjwe ngobhongwane ngamanye amazwe angaphandle.
Ujordaan uhambe izolo ngoMgqibelo ukulibangisa erussia lapho kuzovotelwa khona izwe elizosingatha imidlalo yango2026. Kuzovotwa ngolwesithathu ngaphambi kokuqala kwemidlalo yendebe yomhlaba ngakusasa ngolwesine.
Kwenzeka lokhu nje, iliberia imemezele ukuthi izovotela la mazwe aholwa YI-USA.
Lokhu kudalulwe ngumusa Bility ongumengameli weliberi-