KUGXEKWA ISINQUMO SIKA-VICTOR MOSES

INKAKHA yasenigeria isigxekile isinqumo sikavictor Moses ( osesithombeni) ogijima kwichelsea yase-england sokuthatha umhlalaphansi eqenjini lesizwe lasenigeria.

Uhenry Nwosu obengukaputeni wesuper Eagles futhi oke waqeqesha lesi sikwati, uthe isinqumo sikaMoses sizolibulala ibhola lakhe.

Umoses oneminyaka engu-27 ubudala, uthe usefuna ukugxila kwichelsea nasemndenini. Uthe ufuna nokudedela igazi elisha kwisuper Eagles.

Unwosu uthe ichelsea ngeke isamhlonipha umoses okuyinto ezokwenza akhuhle ibhentshi.

“Ichelsea idlalelwa yinqwaba yabadlali abenza kahle emazweni abo. Umdlali kufanele enze kahle eqenjini lesizwe ukuze ahlale esithola isikimu ekilabhini yakhe. Inigeria iyahlonishwa kunobhutshuzwayo. Ukudlala kukamoses kwisuper Eagles yikhona obekumtholela indawo esikimini sechelsea. Mina ngibona kuphelile ngekusasa lakhe e-eng- land. Usemncane kabi ukuthi usengafulathela iqembu lesizwe. Kunzima ukubanga ijezi nabadlali abadlalela amazwe abo,” kusho unwosu.

Umoses sekunesikhathi eside eyibambe e-england njengoba egqame eneminyaka engu-16 ubudala edlala kwicrystal Palace, kanti ngo-2009 ubegijima kwiwigan Athletics. Lo mdlali ukhethe ukudlalela isuper Eagles kune-england kwazise ubenethuba lokudlalela noma yiliphi izwe kuwona womabili.

Kungena elecrystal Palace nje, izokhiphana inkani neliverpool emdlalweni we-english Premiership kusasa ngomsombuluko ngo-17h00.

Umoses usedlalele inigeria iminyaka eyisithupha, kanti udlale imidlalo engu-37 wayishayela amagoli angu-12.

Ubeyingxenye yesuper Eagles enqobe i-african Cup of Nations (Afcon) ngo-2013 lapha eningizimu Afrika, kanti usemele inigeria amahlandla amabili kwindebe yomhlaba.