Bathi kusekhona abawubukela phansi owe-
Bathi kusenzima kubona ukuba ngamanxusa ezinkampani
UMCULI we- gospel, uneyi Zimu ukholwa wukuthi kukhona abasalubukela phansi lolu hlobo lomculo.
Kulabo abawubukela phansi usola ngisho nezinye izinkampani ezihlela imicimbi yokuklonyeliswa kwabaculi ngezindondo. Uneyi oyingxenye yeqembu ispirit of Praise nokho uncoma iworld Gospel Powerhouse ngokuqhamuka nomcimbi WESABC Crown Gospel Awards akholwa wukuthi yiwona mcimbi wezindondo obahloniphayo abaculi be- gospel.
“Uma ubheka iminxa ekhona kuma-crown kuyasho ukuthi lo mculo mkhulu futhi unabalandeli abaningi,” esho.
Lo mculi uphinde waveza nokuthi bengabaculi balolu hlobo lomculo, kusenzima kubona ukuba babe ngamanxusa ezinkampani ezizimele njengoba kwenzeka nakwabanye abaculi bezinye izinhlobo zomculo.
“Izinkampani azikakholelwa kakhulu kubaculi be- gospel - kusenzima ukuba zithembele kithina ukuthi singakwazi ukuba ngubuso bemkhiqizo yazo,” kusho uneyi. Echaza ngokuba yingxenye yespirit Of Praise, uveze ukuthi okumjabulisa kakhulu wukuthi basanda kukhipha i-albhamu yesikhombisa.
“Uma ulazi ibhayibheli inombolo 7 isho ukuphelelisa, ngakho le albhamu iyisibusiso esikhulu kithina nakubantu abazoyithenga. Sinabaculi abasemgangathweni abasijoyinile, kanti sinesiqiniseko ukuthi abantu bazoyithakase- la,” kusho uneyi, eveza nokuthi okumjabulisa kakhulu wukuthi ngomhla ka-3 kulwezi bazobe benandisa okokuqala ethekwini beyi-spirit of Praise.
“Kuyasijabulisa ukuza ethekwini kwazise uthando esiluthola kubantu bakuleli dolobha namaphethelo luyamangalisa.
"Siyabanxusa ukuba basheshe bawathenge amathikithi ukuze bangaphuthelwa yileli thuba eliyingqayizivele,” kusho uneyi ngalo mcimbi ozoba secity Hill ehillcrest.
Uphethe ngokuthi bazobe bebophele bonke abaculi abakwi-spirit of Praise okubalwa kubo ubenjamin Dube, Dube Brothers, Omega, Women In Praise, Thinah Zungu, Dumi Mkokstad, Ayanda Ntanzi, Siphoe Ngwenya nabanye.