EZEMISAKAZO
EMUVA kwezindaba zokuhlukana kwesixhanti phakathi kukangizwe Mchunu nokhozi FM ngesonto eledlule, kuningi okusale ezingqondweni zabaningi.
Umbuzo ogqame nakozakwethu ubuthi usezoshonaphi umchunu kwezokusakaza njengoba ebonakala eyinhlanzi eshelwe ngamanzi kule mboni. Baningi abake bahlukana kabuhlungu nemisakazo yabo phambilini, kodwa babuye baqashwa ngezinye iziteshi.
Igama elingihambela phambili nje, ngelikachillie M, oke wasebenzela inqwaba yemisakazo, kusukela ngezinsuku zakhe zase-y FM ogcine efikile nasokhozini FM.
Okukangizwe kokusika nganxanye njengomese, kwenze lo mbuzo washiya wonke umuntu encinciza ngoba phela ukuphelelwa wumsebenzi kakuyona into encane.
Ukuba akasiki nganxanye ubengaba nalo ithuba lokungena komunye umsakazo ikakhulukazi kuleyo engekho ngaphansi KWESABC. Okubuhlungu nokuzokwenza izinto zibe nzima uma kuwukuthi unaso isifiso sokuqhubeka nokusakaza, wuku- thi kangiwuboni umsakazo ongamthatha ngaphandle kweyomphakathi nokungaba yisinqumo esinzima kabi ngempilo yakhe.
Uziveze kithina njengomuntu oqhakambisa isintu - isizulu ukuyibeka icace, nomculo kamasikandi. Ngubani-ke ongamqasha eziteshini ezinkulu?
Ngikubalula ngamabomu okweziteshi ezingaphansi KWESABC ngoba kuvelile emibikweni ukuthi akaxoshwanga nje ngabaphathi boKhozi FM, kodwa kudilike izikhulu ezengamele ukusakaza enhlokohhovisi egoli. Uma kuyiqiniso lokho kusho ukuthi ufana nse nomuntu oshiphelwe yiqaqa kule nhlangano yokusakaza.
Ngize ngakhumbula ingxoxo engake ngaba nayo nozandile Tembe, ongumphathi wezinhlelo okhozini FM, ngibuza ukuthi bamzibelani umzothule Shembe wenanda FM ngoba ngithathwe yikhono lakhe lokusakaza umasikandi.
Ngaleso sikhathi bese kuvele kunezinkinga zakhona kwisikhondlakhondla ezithinta uhlelo usigiya Ngengoma ngomgqibelo. Impendulo kazandile yayihamba emazwini athi