IBUYISE IZINDUKU I-SHARKS
ICELL C Sharks izibuyise zishisa izinduku kwiwestern Province iyiguqisela esibayeni sayo kowamanqamu wecurrie Cup kuba ngu-17-12 izolo ngomgqibelo ntambama EDHL Newlands Stadium, ecape Town.
Lo mdlalo bewuyimpinda yowamanqamu wangesizini edlule lapho isharks eyadliwa khona yiwestern Province iphambi kwabalandeli bayo ekings Park Rugby Stadium, ethekwini.
Iwestern Province iye kulo mdlalo iyizimfivilithi njengoba ibingayazi induku selokhu kuqale lo mqhudelwano wanonyaka.
Kulo mdlalo isharks isetshenzelwe kakhulu nangamawele akwadu Preez, udan nojean-luc abengagayelwe mphako, kucaca ukuthi afuna ukuqinisekisa ukuthi ikilabhu kayise iyanqoba.
Isharks icijwa ngurobert du Preez Snr ozala udan nojeanLuc kanjalo norobert Jnr obedlala kwiwestern Province ngonyaka odlule.
Urobert du Preez Jnr ushaye ama- conversion amabili namaphenathi amabili kulo mdlalo asize isharks ukuba iqukule le ndebe (lo mdlali) ayinqobe ekwiwestern Province nyakenye.
Amanye amaphuzu esharks ashaywe ngu-akker van der Merwe notyler Paul abacamelise ama- try ngokwahlukana. Awewestern Province ashaywe ngusp Marais oqobele amaphenathi amathathu nodamian Willemse.
Lo mdlalo ububoniswa emazweni amaningi kubalwa nasejapan ezosingatha imidlalo yendebe yomhlaba ezokuba ngonyaka ozayo.
Isharks igcine ukunqoba lo mqhudelwano ngo-2013 yehlula yona iwestern Province ngo-33-19 enkundleni efanayo.