Kushintshe okuningi etholaingane ujessica
UMSAKAZI wokhozi FM osemncane, unomfundo Mkhize (27), uthi ungene engahlosile kulo msebenzi, kodwa useyazifela ngawo.
Utshele ILANGA Langesonto ukuthi ngesikhathi ekhula, kwakungekho emqondweni wakhe ukuthi uyoke abe ngumsakazi, futhi wayengenaso naleso sifiso. Nakuba ekhuluma kanjena, kodwa akathandanga ukwenaba ngokuthi wangena kanjani kuwo.
Unomfundo ungomunye obesethimbeni labantu abasha abe- beyoqeqeshwa e-united States Of America (USA), ngaphansi kohlelo imandela Washington Fellowship, olwasungulwa ngowayengumengameli wase-usa, umnu Barack Obama.
Kulolu hlelo kuhlungwa abantu abasha, bathathwe bayoqeqeshwa kabanzi ngemikhakha abakuyo. Uthi njengoba ubeyingxenye yalolu hlelo, ubegxile kakhulu ekusakazeni nasebhizinisini akulona le- shipping and logistics.
Uma ukhuluma nonomfundo, kuyezwakala nje ukuthi ukhulu
ma nomuntu omusha, onomqondo ohluzekile. Umbuza umbuzo owodwa kodwa akunike impendulo yemibuzo engaphezu kweyishumi ongakayibuzi.
Le ntokazi uma ikhuluma isiNgisi, ungayiphikela ukuthi isebenza emsakazweni wesizulu. Ukhuluma uze ucele akuphindele ukuthi ubethini ngoba isingisi sakhe siyashelela nje, usikhipha ngamakhala.
Nokho ukukhipha kwakhe isingisi ngamakhala, akumenzi angabe esakwazi ukukhuluma kahle isizulu.
Ngokusho kwakhe akanayo nencane nje inkinga ngokusakaza ngesizulu okhozini FM. "Isingisi nendlela engisikhuluma ngayo ngiyazi ukuthi kumele ngikusebenzise kuphi. Abalaleli bokhozi FM ngibahlonipha kakhulu, yingakho ngikhuluma isizulu esiqondile uma ngisemsakazweni," kuqhuba yena.
Uthi umsakazo omkhulu njengokhozi uyabadinga abantu abasha futhi abaziyo ukuthi intsha idinga ini.
"Njengamanje isizukulwane esikhulayo sifunda izifundo ngesingisi ezikoleni kodwa emakhaya bese sikhuluma ulimi lwethu. Konke okwasekhaya ngiyakugcina futhi ngingumuntu wosiko," kusho yena.
BAMNQABELA UKUYOHLALA EFULETHINI
Le ntokazi ingeyaseNhlazuka, erichmond, kodwa isihlala enew Germany ngasepinetown nomndeni wakubo. Imvamisa abantu abasha asebezimele baye baphume emakhaya bayozihlalela bodwa emafulethini, kodwa unomfundo uthi unina wamnqabela ukuba aphume ekhaya ayohlala emqashweni. "Umama wathi ngisemncane ukuba ngiyohlala ngedwa, wathi ngiyophuma ekhaya ngebhokisi lomshado," kulanda unomfundo. Ekhaya kubo uthi uyingane ethunywayo njengazo zonke izingane. Uthi uyazifela ngokupheka kodwa ukuhlanza indlu akusiyona into ayikhonzile. "Umuntu nomuntu kumele alazi ikhono lakhe. Uyabona nje mina angisona isikhwishikhwishi endlini, kodwa ngiyazifela ngokupheka," kusho yena.
Ngaphandle kokuba ngumsakazi nokuba ngusomabhizinisi ofufusayo, unomfundo wenze izifundo zomthetho e-university of Kwazulu-natal, ehoward College.
"Eminyakeni eyisihlanu ezayo ngifuna ukuba namahhovisi egoli nasekapa ngoba umkhakha weshipping ibhizinisi lawo likhulu kakhulu egoli," kusho yena.
Njengamanje uthi ibhizinisi libahambela kahle nozakwabo abambisene naye, unomcebo Sithole. Uncoma uyise ngokumeseka kuyona yonke into ayenzayo.
"Obaba abaningi uma bezele ingane yentombazane, kubaphatha kabi ukuyibona ingalethi muntu ekhaya noma isikhulile, kodwa mina ubaba wami wathi ngingajahi ukushada, wathi kuyofika uma unkulunkulu engiphile umuntu," kusho unomfundo.
Wale waphetha unomfundo ukuphumela obala akhulume ngezothando entathelini. "Njengoba ngike ngachaza ukuthi ngiyingane ekhaya, ngeke kube kuhle ukuba bafunde izindaba ezinjalo emaphepheni," esho.
Bathathu abantu besifazane afisa ukufana nabo - ngunosipho
Damasane owayeyi
CEO erichards Bay Coal Terminal.
Uthi umthanda ngenxa yomfutho anawo emsebenzini wakhe. Owesibili ngupearl Maseko, owayengumdidiyeli emsakazweni ukhozi FM, kodwa osefundisa e-university of Fort Hare.
Yena umthanda ngoba waba nesibindi sokushiya umsebenzi emsakazweni omkhulu aqhubeke nephupho lakhe. Owokugcina ngusteve Jobs ongasekho, owayengomunye wabasunguli benkampani i-apple Inc.
"Ngiyayazi indima ayidlalile kwezamabhizinisi. Nami ngifuna ukudlala indima ethile emsakazweni nasebhizinisini engilenzayo," kuqhuba unomfundo.
Le ntokazi ichitha isikhathi ngokufunda izincwadi - uyazihlupha ngokuthola ulwazi. Uthanda ukubukela ibhola lomnqakiswano nokubukela amafilimu e- cinema. makhoba@ilanganews.co.za