WONDLA UMNDENI NGEMALI YOMCULO

UBOBO Mbhele (17) obuye abizwe ngoslay Queen odume ngama- video

ahlekisayo asabalele ezinkundleni zokuxhumana, uthi umkhakha wezikaqedisizungu usumsebenzele kakhulu empilweni yakhe, usekwazi ukuthola nemali ondla ngayo ekhaya kubo.

Igama likabobo langempela ngusibongiseni Mbhele kanti kwabaningi udume nangokuziphaqula njengabantu besifazane, adwebe amashiya, afake izinkophe nezinzipho, agcobe nomlomo nge- lipstick.

Uthi ukushona kwabazali bakhe kumenze wafisa ukuba enze umehluko ekhaya kubo njengoba eseqalile ewenza.

Ungene emculweni emuva kokuba abantu bejabulele ukumbona kula ma- video,

abanye bekhombisa ukumzwela njengoba kungathi uphila nokukhubazeka.

ILANGA

Langesonto

likhulume naye ngemuva kokuba enandise emcimbini kadj Bongs, obukwandengezi ngeledlule. Ubobo ubengomunye wabaculi abasafufusa abathole ithuba lokunandisa kulo mcimbi. “Ngibonga kakhulu indlela abantu abangeseka ngayo. Kumanje ngenza u-grade 7 eningizimu Primary Special School ese Montclair.

"Ngifisa ukuba ngudokotela uma sengimdala. Imali engiyenzayo uma ngicula ngondla ngayo ekhaya njengoba ubaba nomama sebashona,” kusho yena. Phambilini uke wabonakala ohlelweni lukamabonakude olusakazwa kumzansi Magic, iliving The Dream with Somizi, olumayelana nempilo kasomizi Mhlongo. Usomizi wamumema ohlelweni lwakhe ngemuva kokuba embone kula ma- video. Wethembisa ukuthi uzomfundisa amqhube ezifundweni zakhe zemfundo ephakeme.