UZOHOLA UKUBEDLULA BONKE KWI-EPL U-STERLING
UZONGENA ensimini ehleka yedwa uraheem Sterling ( osesithombeni) wemanchester City eqhathwe nesouthampton koweEnglish Premiership namuhla ngesonto ngo-17h00.
Lo mdlali kuthiwa seziphothuliwe izingxoxo zokuvuselelwa kwenkontileka yakhe nale kilabhu.
Kuthiwa sekusele ukuthi asayine njengoba sekuqedwe konke ngemihlomulo.
Kuthiwa umholo wakhe uzophindwa kabili kwawuthola njengamanje, okusho ukuthi uzogoduka nemali engaphezulu kuka-r5 million ngesonto. Inkontileka yakhe yamanje izoze iphele ngonyaka ka-2020.
Kuthiwa lo mdlali kuzokuba nguyena ohola ukubedlula bonke kwi-premiership nxa esesayine le nkontileka entsha.
Lo mdlali ukhombisa ukuvuthwa selokhu ejoyine icity esuka kwiliverpool nayo evutha ingabaselwe kule sizini. Lo mdlali ubambe iqhaza elikhulu ngesizini edlule icity inqoba i-premiership, kanti kule sizini usevalele amagoli angu-4 emidlalweni engu-8 kuhlanganisa yonke imiqhudelwano.
Upep Guardiola ongumqeqeshi wecity, uphumele obala ngaphambi komdlalo wecommunity Shield nechelsea ukuthi bazimisele ngokumgcina lo mdlali oneminyaka engu-23 ubudala.
Lo mqeqeshi uthe konke usekuyekele kutxiki Begiristain ongesinye sezikhulu zecity nabaphathi balo mdlali ukungena ezingxoxweni zenkontileka entsha.
Icity inamaphuzu angu-26 emidlalweni engu-10. Isembangweni weligi neliverpool ebibhekene ne-arsenal izolo ngomgqibelo kusihlwa ngokunjalo nechelsea ezokwamukela icrystal Palace namuhla ngesonto ngo-18h00. Ichelsea nayo idinga ukunqoba ukuzigcina embangweni njengoba inamaphuzu angu-24 emidlalweni engu-10. Ichelsea necity kabayazi induku selokhu kuqale imidlalo ye-premiership.
Isiyonke imidlalo yeEnglish Premiership ezogijinywa namuhla ngesonto ihlelwe kanje:
Manchester City vs Southampton 17h00 (SS3). Chelsea vs Crystal Palace 18h00.
KUSASA NGOMSOMBULUKO
Huddersfield Town vs Fulham 22h00 (SS3).
Eyespanish La Liga imi kanje: NAMUHLA NGESONTO
Eibar vs Deportivo Alaves 13h00 (SS7).
Villarreal vs Levante 17h15 (SS7).
Real Sociedad vs Sevilla 19h30 (SS7).
Huesca vs Getafe 19h30. Real Betis vs Celta de Vigo 21h45 (SS7).
KUSASA NGOMSOMBULUKO
Espanyol vs Athletic Bilbao 22h00 (SS7).
Eyeserie A yase-italy ihlelwe kanje:
NAMUHLA NGESONTO
Lazio vs SPAL 13h30 (SS9). Chievo vs Sassuolo 16h00 (SS12).
Parma vs Frosinone 16h00 (SS11).
Sampdoria vs Torino 16h00 (SS3).
Bologna vs Atalanta 19h00 (SS9). Udinese vs Milan 21h30 (SS9).