LIYAKHULA ISASASA NGONODOLI ABAMNYAMA
LIYAKHULA isasasa lonodoli bebala elimnyama okuhloswe ngabo ukugqugquzela ukuzithanda nokuzamukela ezinganeni zabampisholo.
Muva nje sekukhona unodoli owaziwa ngelikaBaby Thando okhuluma isizulu nesingisi owenziwe yinkampani yakwaprima Toys.
Lo nodoli wenzelwe amantombazanyana asemancane.
“Uma ufuna ukufundisa umntwana olunye ulimi kungaba yisinqumo esihle ukumthengela ubaby Thando. Uthambile, okwenza kube lula ukumanga futhi unebala abalaziyo ojahidada. Umciphiza esiswini bese umuzwa esho amagama ehlukene,” kuchaza ulisa Trollip obhala i- blog
ebizwa ngeleforts and Fairies.
Amazwi ongawezwa eshiwo ngubaby Thando ngathi “I love you/ Ngiyakuthanda”, “I’m hungry/
Ngilambile” ukubala nje ambalwa. Amagama uwasho ngesingisi kuqala bese elandela ngesizulu.
Ubaby Thando unika abantwana ithuba lokufunda olunye ulimi namagama amasha ebe edlala futhi. Unodoli ngamunye ufika nezinto zokugqoka okuba yi- babygrow enombala o- pink nesigqoko, ipuleti, isipuni, imfoloko, ibhodlela nedamu. Utholakala kuzo zonke izitolo ezidayisa amathoyizi ngo-r699.99. Lo nodoli ulungele abantwana abaneminyaka emibili kuya phezulu.
Kubo labo nodoli kukhona ubaby Bella okhuluma amagama awu-50 ngesingisi nobaby Tasha yena okhuluma ngolimi lwe-afrikaans. Omunye ozolandela maduzane uzobizwa ngelikababy Love kanti yena uzokube ekhuluma ngesixhosa.
tzondi@ilanganews.co.za