UBUYELA KUZALO ILIMINI YOMZANSI
ISIGANSONSO somlingisi esike sabonakala emdlalweni owuchungechunge, Uzalo, umdu Mnguni, sithi sisakulangazelele ukushaya ibuya kulo mdlalo ohamba phambili ngababukeli kwevutshelwe eningizimu Afrika.
Kulo mdlalo umdu ubelingisa indawo kasteleka ogcine ngokubulawa ngendlela eyindida. Uthi ezindaweni eziningi lapho ehamba khona abantu basambuza ukuthi usazokhuza ibuya yini kulo mdlalo noma sekuphelile ngaye.
“Lo mbuzo ngozalo ngihlale ngiwuthola ezindaweni eziningi, kanti ngiyabatshela ukuthi mabaqhubeke babukele ngeke sazi noma yinto esengenzeka (eyebuya),” kusho lo mlingisi ehleka.
Ebuzwa ukuthi yena usazimisele yini ukubuya kulo mdlalo, uphendule wathi yinto ayilangazelele leyo ngoba uyawuhlonipha lo mdlalo nangendlela ohlelwe ngayo.
“Uzalo wumdlalo okhuluma ngempilo abantu abayaziyo okwenza kube lula ukuba abantu bawulandele. Ngakho uma ithuba lokubuyela livela ngingasukumela phezulu,” kusho lo mlingisi. Uthi konke kusezandleni zababhali nabadidiyeli njengoba yena ezivulile izandla zakhe.
Umdu ungomunye wabalingisi abaqavile abazobonakala kwifilimu ezokhonjiswa kumzansi Magic ngeSonto mhla ka-18 kwephezulu obizwa ngokuthi Isehlukaniso. Kule filimu eqoshelwe enanda Dam, ewushwini, uzobe elingisa indawo yenkosi uzwide. Abanye abalingisi abaqavile abazobonakala kuyo nguthandeka Dawn King nomdu obelingisa ekamalume kamabuyi kwisibaya.