LE FILIMU IBUYE IGXILE EMAHLAYENI ANGENANGQONDO NHLOBO
NOBODY’S FOOL UMQONDISI: Tyler Perry ABADLALI ABAPHAMBILI: Tiffany Haddish (Tanya), Tika Sumpter (Danica), Omari Hardwick (Frank), Mehcad Brooks (Charlie), Amber Riley (Kalli), Whoopi Goldberg (Lola), Chris Rock (Lawrence) UHLOBO: Romantic Comedy IMINYAKA: 16 D/L/S UMHLAZIYI: Zowakha Mbatha
NGIPHUME umoya wami uphansi kule filimu ebengiyibheke ngabomvu njengoba bese ngike ngabona izikhangiso zayo ekubeni ngingumlandeli wemikhiqizo katyler Perry.
Kangazi noma kulokhu wenzelwe phansi yindlela okulingiswa ngayo utanya yini njengoba eyiphendula ihlaya elisezingeni eliphansi ekubeni nguye olingisa phambili. Iqala utanya ephuma ejele. Yona ingodaba olunzulu lokuphumelela empilweni, kodwa kushode kwezothando njengoba kwenzeka kudanica ongudadewabo.
Iphinde iveze futhi ukuthi izenzo zakho zingakwenzela kanjani phansi njengoba kwenzeka kufrank ongafunwa ngudanica ngenxa yomlando omubi anawo, wokungena nasejele. Yisitori esimnandi esikhombisa khona ukuthi la kukhona khona uthando nendlela ikhona njengoba ekugcineni lunqoba nakuba kuba nezigaba ezidabukisayo lapha nalaphaya.
Nokuphaphatheka kukadanica aze azinikele kumlisa angamazi, ucharlie, kukubeka ngokusobala ukuthi indlala iyamenza umuntu agcine ebuka izinto ngeso elingahluzi. Uzokujabulela okungamahlaya lapha nalaphaya ikakhulukazi uma la madodakazi kalola enonina ozidlela igudu ngendlela exakile.
Nangesikhathi behlasela ulawrence obezenza ucharlie kwiinternet, uzohleka uma i- perm yakhe isivutha amalangabi, esukuma nasesihlalweni njengoba ebebonakala engumuntu ongakwazi ukuhamba kanti kakunjalo.
Ongawathandi amahlaya abuye akhombise ukungabi nangqondo angazihluphi ngokuyoyibuka. Ingene ngolwesihlanu lwesonto eledlule e- cinema. zowakha@ilanganews.co.za
BAQINISILE abathi igama liyamsebenzela umuntu kule mboni. Kangimangalanga uma ngibona ukuthi le filimu katyler Perry iqhwakele phezulu ngempelasonto ephume ngayo yomhla ka-2-4 kulwezi (November) kwayishumi ahambe phambili.
Abebeyoyibuka bebekhangwe yigama likatyler Perry. IVENOM yona ibiphambili ngokufaka imali njengoba bese ifinyelele ku-r20 646 956. Nalu uhlu oluphelele lwe-top 10:
1. NOBODY’S FOOL
2. VENOM
3. NUTCRACKER & THE FOUR REALMS
4. A STAR IS BORN
5. NIGHT SCHOOL 6. PEPPERMINT
7. SMALLFOOT
8. GOOSEBUMPS: A HAUNTED HALLOWEEN
9. ESCAPE PLAN 2
10. JOHNNY ENGLISH: STRIKES AGAIN