SEBASTIAN JILI

NGABE WUSUKU LWAKHO LOKUZALWA NAMUHLA?

QIKELELA ukuthi umqondo wakho uhlale usebenzisa imibono engakuholela emadlelweni aluhlaza. Imicabango nemizwa yakho kunokuxhumana okukhulu.

ARIES

VUMELA umqondo wakho ukuba ukuholele ezinqumeni eziqotho. Kumele usebenzise wonke amathuba azivezayo uma ugaqele impumelelo. Zama ukuzimela nokungathembeli kakhulu komunye.

TAURUS (April 20-May 20)

UNGASE uqhamuke nonyawo olusha olungaletha izinguquko empilweni yakho. Ungavumeli ukuba kube khona umuntu ozoxova indlela ocabanga ngayo. Kukhona amalungiselelo okumele ugxile kuwona.

GEMINI (May 21-June 21)

KUMELE ufunde isifundo kunoma yini oyibona yenzeka kuwena. Usesikhathini lapho ubona khona impilo yakho sengathi ishona phansi. Umqondo wakho ungawugxilisi ezintweni ezikusa emuva kodwa qhubeka ulwe.

CANCER

UBUHLAKANI bakho nomqondo osheshayo kuzodingeka ukuba ukusenzise kakhulu. Impilo yakho isesimeni esingakugculisi. Ukukhipha wonke amandla onawo ngomfutho kungakubeka esicongweni.

LEO (March 21-April 19) (July 23-August 22)

BAMBELELA njalo ethembeni lokunqoba. Ngeke wavimbeka kulokhu okudingayo uma ubambelela kukhona. Kukhona izimo ezizofuna ukukucindezela empilweni yakho.

VIRGO (June 21-July 22) (Aug 23-Sept 22)

LOKHU ozitshela ukuthi kawunakho kumele wazi ukuthi unakho. Kusezandleni zakho ukusebenzisa ngendlela isikhathi onaso. Kunomshikashika ozoqala empilweni yakho.

LIBRA (Sept 23-Oct 22)

UKUSEBENZISANA nalabo abakuzungezile kungancika ekutheni bona bakuphethe kanjani. Uma uzofunda ukuzikhuthaza inhloso yakho izokuba sobala. Uzozuza kakhulu uma nje ulwazi uluthungatha endaweni efanele.

SCORPIO (Oct 23-Nov 21)

UMA ubuka ikusasa ubona isenkulu kakhulu indima okumele uyifeze. Njengomuntu othanda ukuzithuthukisa, uvamise ukwephuka kalula emoyeni uma kungenzeki ngendlela osuke uhlele ngayo nofisa ngayo.

SAGITTARIUS (Nov 22-Dec 21)

UYABONA ukuthi izinto zakho kazihleleki ngendlela ofisa ngayo. Kuningi okuzokuphoqa ukuba ucindezele ngamandla kukhona. Qikelela ukuthi uyakonga okuncane onakho. Zama ukubeka wena phambili kunokubeka abanye.

CAPRICORN (Dec 22-Jan 19)

IZIFISO zakho zinhle futhi ziphucuzekile. Kugweme ukuthathela izinto phezulu. Umsebenzi wakho wokuphokophelela phambili kawukudingi nakancane ukungabaza. Unamandla amakhulu okuguqula izimo.

AQUARIUS (Jan 20-Feb 18)

UMQONDO wakho kumele uhlanzeke. Imicabango engalungile kudingeka uyibeke eceleni. Khombisa ukuzethemba ngokuba unqobe ubuvila, uphokophelele esiqongweni sempumelelo.

PISCES (Feb 19-March 20)

UNGALINGE uqalise okusha njengamanje okudala kungaphothuliwe. Amacebo onawo njengamanje kudingeka ahambisane nolwazi onalo. Ungalinge ugxile kakhulu ezintweni ezingakudingi. Lungisa kahle imicabango yakho.