IZITOKOFELA
Nakuba ukubanjwa inkunzi kwamalungu ezitokofela kuyinto eyenzeka njalo ngesikhathi sokuhlukaniswa kwemali esuke isetshe- nzelwe kanzima unyaka wonke, isidingo silokhu sikhona sokuwuhlaba siwulawule umkhosi, ukuze umphakathi uzowavulisisa amehlo.
Lapha kasigcini ngokuxwayisa kodwa sidlulisa nezeluleko zokuphephisa leyo mali esuke ijulukelwe kanzima ngamalungu esitokofela, ezibophe ngesifociya unyaka wonke ukuze afeze okuthile ngalesi sikhathi sonyaka. Imibono elapha ihambisana nokubheka kafushane amaphuzu angalekelela ekuluqhubeni kangcono nangendlela ephephile lolu hlelo lokonga imali.
Okokuqala okufanele amalungu akubeke emiqondweni, yinhloso yokulondoloza imali yawo ngalolu hlelo. Uma kungesona isitokofela sokulungiselela ukhisimusi, abanye bathi basuke benzela ukusombuluka konyaka okubafica bengenalutho.
Uma sesifikile isikhathi sokuhlukanisa, kungaba kuhle ukuba amalungu avumelane ngosuku oluphephile. Okwamanje lesi okuvamise ukuba kwenziwe ngaso ukuhlukanisa imali yesitokofela, sekubonakele izikhathi eziningana ukuthi kasiphephile.
Okwesibili okusemqoka wukuba ngalolo suku okuvunyelwene ngalo, konke okwenziwayo kwenzelwe ngaphakathi ebhange futhi imali leyo ingaphumeli ngaphandle kwamagceke ebhange iyisamba injalo.
Kanti ngisho lelo nalelo lungu seliyitholile eyalo imali, kakuphephile ukuphuma nayo iwukheshi kanjalo. Okungalekelela kulesi simo wukuba emhlanganweni owandulela ukukhishwa kwayo, kube nemininingwane yokwabiwa kwemali enikezwa ibhange ukuthi mhla kwahlukaniswa imali kuyomele yabiwe kanjani, bese liyifaka kuma-akhawunti elungu nelungu ngokomyalelo womfelandawonye wesitokofela.
Lokhu kungenzeka kalula ngendlela ethi mayifane neyakwaSASSA yokuholela imali yesibonelelo sikahulumeni. Okunye okungaba yisithasiselo kulo mkhuba omuhle kangaka kungaba wukuthi uma kungekho okuphathekayo imali esuke ikhishelwa khona, isikhathi sokuhlukanisa le mali singasho khona ukuguquka kwendlela umuntu akade ephila ngayo unyaka wonke ebeka imali yakhe.
Phela kunezimo ezidabukisayo lapho imali lena isebenziseka