Owosuthu uqinisa idolo abalandeli
Nokho owepolokwane udalula iqhinga lokwehlula Amazulu
UMQEQESHI wamazulu FC uqinisa idolo abalandeli bale kilabhu abanovalo njengoba ibambe ibhuleki emsileni we- log.
Usuthu luzodudulana nepolokwane City kowe-absa Premiership namuhla ngesonto ngo15h30 eking Zwelithini Stadium, emlazi.
Usuthu luya kulo mdlalo nje, izinto azihambi kahle njengoba imiphumela ingavumi.
Selokhu luphucwe amaphuzu angu-6 alukaze lunqobe mdlalo lugcine ngokuthola amaphuzu amabili.
Nokho ucavin Johnson ololonga usuthu uthi nakuba kusaqaqamba inhliziyo ngokuphucwa kwabo amaphuzu kodwa noma kanjani kuzoyiwa emaholidini kakhisimusi ezakhe sezisukile kule ndawo ezikuyona.
“Isimo esibhekene naso sinzima kodwa indlela umoya oyiyona kubadlali bami kungenza ngingangabazi ukuthi kuzoshaya amaholidi kakhisimusi sesingasekho kule ndawo embi esikuyona.
"Lokhu kuzobonakala kulo mdlalo wepolokwane City.
"Yiwona mdlalo esizotshengisa ngawo ukuthi sifuna ukuxaxama.
"Siyazi ukuthi kuzoba ngumdlalo onzima njengoba nayo ihlulwe yi-orlando Pirates phakathi neviki.
"Kodwa sisekhaya, sihlose ukungadedeli lutho ekhaya manje,” kusho ujohnson.
Ujosef Vukusic ongumqeqeshi wepolokwane City uthi ukuhlulwa kwabo yipirates ngo-2-1 ngolwesibili ekhaya akubaphazamisanga neze emakhanda.
“Umdlalo wepirates bekufanele siwunqobe sithole amathu- ba amaningi kunayo kodwa sangawasebenzisa.
"Kodwa-ke lo mdlalo usivule amehlo sabona nalapho sixega khona ngoba phela uma ulokhu unqobe njalo awube usawabona namaphutha.
"Silindele umdlalo onzima kumazulu njengoba esendaweni engeyinhle kwi- log.
"Futhi njengoba esekhaya nje, ngeke kube lula ukuwehlula.
"Kodwa-ke sinayo indlela yokuhlula amakilabhu uma sihambile.
"Uma uhambile awuhlaseli sengathi awuphilile ekhanda ulinda intuba eyodwa nje ushaye igoli bese uhlala emuva ulinde beze beyiziwengu bese ubabamba.
"Nakulo mdlalo siyokwenza okufanayo, siyabazi abeve behlasela uma besekhaya kanti into engiyiqaphelile ngabo wukuthi abamaki kahle emuva.
"Kodwa-ke angifuni ukwanda kakhulu ngengevu asilindele umdlalo,” kusho uvukusic.
Uma uhambile awuhlaseli sengathi awuphilile ekhanda, ulinda intuba...