ESKHALENI:
KUBUKEKA kuzokwenza umehluko omkhulu emnothweni wetheku ukulethwa kwendumezulu yomdlalo wesoweto Derby phakathi kwekaizer Chiefs ne-orlando Pirates abazodudulana kwi- semi final yetelkom Knockout ngomgqibelo womhla ka-24 kwephezulu emoses Mabhida Stadium kuleli dolobha.
Ukudayiswa kwamathikithi alo mdlalo emahoreni amabili nje kuphela, kukhomba khona ukuthi liphezulu kakhulu isasasa ngawo.
Itheku selizakhele igama ngokusingatha ngobuchule imicimbi yezinga eliphezulu okwenza umnotho waleli dolobha eliholwa nguZandile Gumede oyimeya, ulokhu ukhula.
Cishe umuntu angazibuza ukuthi yini yena angayihlomula kumnotho ozoshiywa yilo mdlalo kuleli dolobha.
Abantu abathanda ibhola bayaziwa ukuthi bakhonze kakhulu impilo yaselokishini. Lokhu-ke kukhomba ukuthi osomabhizinisi abasacathula emalokishini bazodla kahle ngokuza kwalo mdlalo.
Abanye bathengisa ukudla, abanye bahlinzeka ngezindawo zokupaka izimoto emizini yabo, kanti abanye banezindawo zokushisa inyama ezithandwayo kuleli dolobha.
Ukuphela kwamathikithi kusho ukuthi abantu bangahlanganyela kulezi zindawo bawubuke komabonakude lo mdlalo kulezi zindawo. Abanye basenesikhathi sokuhlela obhazabhaza bokubuka lo mdlalo ezindaweni ezivulelekile emalokishini, kungenwe ngemali.
Ukutheleka kwabantu abaqhamuka kwezinye izifundazwe beze kulo mdlalo, kuchaza ukuthi bazoshiya imali ethekwini, okungabe bayisebenzisa kwenye indawo ukuba lo mdlalo kawulethwanga kuleli dolobha.
Kufanelwe ashayelwe elikhulu ihlombe uvusi Mazibuko oyimenenja yemoses Mabhida Stadium ngokuba nobuchule bokugcina le nkundla isetshenziswa njengoba bese kuthiwa izomila utshani ngemuva kwemidlalo yendebe yomhlaba ebikuleli ngo-2010.
Cishe kube wubuhlakani ezikhulwini zomkhandlu wetheku ukujuba umazibuko kule nkundla ngoba bese kukaningi ekhombisa ukuthi uyakwazi ukuhlela izinto ngobuchule cishe kusukela esengesinye sezikhulu zasedurban University of Technology ngaphambi kokujoyina uphiko lwezemidlalo lomkhandlu wetheku.
Yize abaningi bekugxeka ukulethwa kwemidlalo emqoka emabhi-