EZIMNANDI KUBALANDELI BE-CHIEFS NGOMPHAHLELE

EZIMNANDI kubalandeli bekaizer Chiefs uramahlwe Mphahlele ongumdlali wayo omqoka evuma ukwelula inkontileka nale kilabhu.

Abalandeli bechiefs bakwaZulu-natal banyelwe yinyoni esandleni kumenyezelwa uku- thi umdlalo wesoweto Derby we- semi final phakathi kweChiefs ne-orlando Pirates wetelkom Knockout uzokuba semoses Mabhida Stadium, ethekwini ngomhla ka-24 kwephezulu.

Lezi zindaba zibajabulisile abalandeli bale kilabhu kwazise bebefake isicelo vele kubaphathi ukuba bayilethe kule nkundla. Amathikithi alo mdlalo adayiswe aphela emahoreni amabili ngolwesihlanu.

Ezinye izindaba ezingase zijabulise abalandeli bale kilabhu wukuthi umphahlele odlala emuva usesenzile isivumelwano somlomo nabaphathi bale kilabhu ukuthi noma kanjani uzoyelula inko-ntileka.

Kuthiwa uzoyelula ngeminyaka emithathu.

Abalandeli bechiefs bahlukene phakathi ngalo mdlali njengoba kukhona abamthandayo kuzoba khona abangamfuni abamsola ngokuboza.

Nokho laba abamzondayo kuzofanele babekezele ngoba usazohlala kule kilabhu.

Umthombo waleli phephandaba uthe: “Inkontileka yakhe nekilabhu iyaphela uma kusongwa isizini.

"Into ebibambile wukuthi kunezinto obekungavunyelwana ngazo kodwa esezilungisiwe.

"Uzosayina maduzane ngoba usesenzile isivumelwano somlomo uzokwelula inkontileka yakhe ngeminyaka emithathu,” kusho lo mthombo.

Ubobby Motaung oyimenenja ji-kelele yechiefs uthi indaba yabadlali bazoyikhuluma uma sekuvulwe iwindi lokudayiselana ngabadlali.

Khonamanjalo, leli phephandaba lithole ukuthi ulebohang Manyama odlala esiswini kule kilabhu osanda kuba sengozini yemoto useqalile ukujima. Kuthiwa maduzane uzobe esekulungele ukugijima imidlalo. male indololwane nedolo kule ngozi.