BAZOHLONYISWA NGOLWAZI LOKUKHULISA AMABHIZINISI KWINGQUNGQUTHELA E-ECC
BAZOCOTSHELELWA ngolwazi lokukhulisa amabhizinisi osomabhizinisi abehlukene emcimbini wokugubha isonto elibizwa ngeGlobal Entrepreneurship Week (GEW) ohlelwa yibandla i-ethekwini Community Church (ECC) eliholwa umbhishobhi Vusi Dube.
Isonto lokugubha I-GWE liphakathi komhla ka-12 kuya kumhla ka-18 kwephezulu kanti kulindeleke ukuba ligujwe umhlaba wonke lapho osomabhizinisi bezocobelelana khona ngolwazi nangezindlela zokukhulisa amabhizinisi abo ngalesi sikhathi lapho umnotho wamazwe ubhekene nezingqi- namba.
Usiboniso Mtshali ongomunye wabahleli balo mcimbi ozoqala ngolwesihlanu mhla ka-16 uze uphothulwe ngesonto mhla ka-18, udalule ukuthi kuzokube kungenwa mahhala ngakho banxusa osomabhizinisi abehlukene nalabo abazimisele ngokungena kwezamabhizinisi ukuba baphume ngobuningi ukuzohlomula ngolwazi.
“Ngaphandle kokuhlomula ngolwazi, sizophinda sibachushise ngezinto ezahlukene abazidingayo ukusimama ngalesi sikhathi somnotho,” kusho umtshali.
Uqhube ngokuthi bazokube benosomabhizinisi abazokuba yizikhulumi eziqavile okuyibona abazocobelela abanye ngalolu lwazi.
Umtshali uthi phakathi kwalabo somabhizinisi abazokwethula izinkulumo kukhona unto Majozi wodumo lwento’s Botique Hotel futhi onenkampani yokupheka, kube ngubonga Shange wodumo lwemashamplane’s Shisanyama echesterville, ilungu lesishayamthetho umnu
Siboniso Duma, udkt
Taki Dube WE-ECC ukukha nje phezulu.
Umtshali uthi nakuba lo mcimbi uzothatha izinsuku ezintathu kodwa usuku lwezikhulumi ngu
Mgqibelo womhla ka-17 kusukela ekuseni kuya ntambama. “Ngolwesihlanu sizokuba neworkshop ezoqala ntambama kanti ngesonto uma sesiphothula sizokuba nemibukiso yezinhlobo ezahlukene zamabhizinisi,” kuphetha umtshali wodumo lwezamabhizinisi obuchwepheshe nokuhweba.
Ngaphandle kokuhlomula ngolwazi,sizophinda sibachushise...