I-ARROWS NENGWADLA YEZINKUNDLA
UMNIKAZI welamontville Golden Arrows, umato Madlala ( osesithombeni) uphawula ngobunzima obubhekene nekilabhu yakhe njengoba inkundla yabo yemidlalo yasekhaya ivaliwe.
Ipremier Soccer League (PSL) ngeledlule imemezele ukuthi iyayivala iprincess Magogo Stadium, Kwamashu, ukuba kugijinywe kuyona imidlalo yebhola izeseka ngokuthi ayikho esimweni esigculisayo.
Le nkundla imazombezombe njengoba ilinyazwe utshani ngabantu abebeze ekhonsathini yomculo ebelikuyo.
Kuvela ukuthi kusazoba namanye amakhonsathi kule nkundla okubukeka isazokonakala kakhulu kunakuqala.
Le nkundla i-arrows iyisebenzisela imidlalo yayo yasekhaya yeligi neyezinkomishi.
Umdlalo wayo olandelayo osekhaya uzokuba mhla ka-6 ku-masingana (January) nomkhaya imaritzburg United.
Leli phephandaba libuza umadlala ukuthi uma kungukuthi kushaya usuku lwalo mdlalo le nkundla ingekho esimweni bazodlalelaphi, uthe: “Njengamanje asinankundla yasekhaya.
"Uma ubheka izinkundla esinazo ziyashoda, ichatsworth Stadium ayikhanyi ebusuku, amalambu awalungisiwe, isugar Ray Xulu Stadium incane ukuthi ingasingatha umdlalo wethu nemaritzburg.
"Emoses Mabhida Stadium ngeke-ke nje ngiye khona.
"Kuyacaca ukuthi inkundla ekhona yiking Zwelithini Stadium, emlazi, okuzongiphoqa ukuthi ngidlale khona.
"Akekho-ke ozongivimba ngoba yinkundla kamasipala akuyona eyamuntu.
"Uma kungukuthi isimo singaphezu kwalokho sizophoqeleka ukufuna ngaphandle kwakulesi sifundazwe.
"Sinzima isimo esibhekene naso kodwa-ke ekugcineni kufanele kube khona isixazululo, lidlalwe ibhola,” kusho umato.
Nokho uthi uhlalele ethembeni lokuthi inkundla yabo izolunga ngesikhathi ngoba akafuni ukubona esethatha izinqumo ezizokwenza aba-ntu bakulesi sifundazwe bazithole belahlekelwa yimisebenzi.
Uma kungaphoqeleka ukuthi i-arrows ifudukele kwesinye isifundazwe baningi abantu abazolahlekelwa yimisebenzi njengoba benza imali emidlalweni yayo yasekhaya.
Ngesizini eyodwa i-arrows iba nemidlalo engaphezulu kwengu-15 ekhaya okusho ukuthi kunabantu abathola isinkwa ngezimpelasonto naphakathi nezinsuku.
Ukuhamba kwayo omama abadayisayo, abaqaphi bodweshu, abaklinayo, ukubala nje izinto ezimbalwa, bazolahlekelwa yimisebenzi.