NGEZINYE IZIKHATHI IMPILO KAYILULA NEZE
THE HEALER UMQONDISI: Paco Arango ABADLALI ABAPHAMBILI: Oliver Jackson-cohen (Alec Bailey), Camilla Luddington (Cecilia), Kaitlyn Bernard (Abigail), Jorge Garcia (Father Malloy), Jonathan Pryce (Raymond Heacock) UHLOBO: Drama/ Comedy/ Family IMINYAKA: 13 L UMHLAZIYI: Zowakha Mbatha
U-ALEC Bailey ngumlisa ezingamhambeli kahle izinto ebhizinisini lokukhanda izinto zikagesi, ozifelayo ngesifazane nosaphethwe kabuhlungu wukudlula emhlabeni kwewele lakhe ucharlie.
Umalume wakhe uraymond uthi angamsiza ngasezimalini kodwa uma evuma ukuthuthela kwenye indawo. Nakuba ekungabaza lokhu kodwa ngenxa yokuthi izikweletu zimhleli entanyeni ugcina evumile.
Ekufikeni kwakhe ehalifax uyashaqeka ukuthola ukuthi izakhamizi zikholwa wukuthi uyelapha kanti yena ubazi ukuthi isikhangiso ngesithi ulungisa izinto ezisebenza ngogesi, hhayi abantu abagulayo.
Nengalo yomthetho nabezenkolo bayamnamathela ngoba bekholwa wukuthi ungumkhohlisi. Ugcina esekholwa naye ukuthi sikhona isiphiwo anaso njengoba nomalume wakhe emtshela ukuthi vele kubo kunomlando wabelaphi kanti nezinto ezenzekayo nsukuzonke ziyamumangaza.
Khonamanjalo uhlangana nentombazanyana eneminyaka eyi-14 ehlaselwe yi- cancer.
Uzithola esenengcindezi yokuyi- lekelela kanti ngakolunye uhlangothi umalume usemtshele ukuthi ngeke esakwazi ukuba nala mandla ngoba akawamukelanga ekuqaleni.
Shona e- cinema njengoba ingene
ngolwesihlanu khona uzozibonela nesiphetho. zowakha@ilanganews.co.za
IMPELASONTO edlule yomhla ka-30 kulwezi (November) kuya zimbili kuzibandlela (December) ishintshe izinto kwaqhwakela enye ifilimu esiqongweni NENIGHT SCHOOL iphambili ngokufaka imali njengoba ifinyelele ku-r20 422 111. Imi kanje itop 10 ephelele:
1- RALPH BREAKS THE INTERNET
2- BOHEMIAN RHAPSODY 3- FANTASTIC BEASTS: THE CRIMES OF GRINDELWALD 4- CREED 2
5- FRANK AND FEARLESS 6- HUNTER KILLER 7- NOBODY’S FOOL
8- NIGHT SCHOOL
9- A STAR IS BORN
10- NUTCRACKER & THE FOUR REALMS
ISIKHUMBUZO: Iyaqala ikwasukasukela Film Festival ngolwesithathu mhla ka-12-15 Kwantenga Community Hall, esqakatha, ejozini.
Abathanda le mboni basuke bechushiswa kuma- workshop amahhala nokuwuhlelo olusungulwe ngusibongeleni Mabuyakhulu osesebenze emidlalweni eminingi yethelevishini, osebenza kwisibaya njengamanje odabuka kule ndawo.
Ngokwesibili nonyaka le festivali ehambisana nokukhonjiswa kwamafilimu nokuchushisa abasafufusa yenzeka.