ZOWAKHA MBATHA
nezingenzeki njengoba umnikazi womuzi engekho.
Izinhlelo okuba ngcono ukuzibamba ngezemisakazo yezingxoxo ( talk radio) ngoba vele iningi labasakazi bayo basuke benekhono lokuqondisa ingxoxo. Okuhlupha ngalolu olunye uhlobo lwemisakazo wukuthi kuba kuningi okwenzeka ohlelweni ngalunye nokwenza osejwayele ukulwenza akwenze kalula.
Ezinkundleni ezahlukene engike ngangena kuzo ngibone sengathi abalaleli bebezithokozela izinguquko ebezenziwe wukhozi FM njengoba endlini emnyama kuyiwona msakazo olalelwa kakhulu lo.
Engiqala ukukuqaphela wukuthi banokumethemba umafresh ongomunye wabasakazi abaqashwe onyakeni ophelile kulesi siteshi nosemncane.
Yebo, kuyiqiniso ukuthi kade ayegudla njengoba esebenze iminyakanyaka kwizwi Lomzansi okuyisona siteshi somphakathi esihamba phambili njengamanje Kwazulu-natal kwezalolu hlobo kodwa ukumethemba kwabaphathi kusobala.
Ngixakekile nje la ezinsukwini ngimfica emsakazweni enza uhlelo lwantambama lukatshatha Ngobe noselbyonce Mkhize. Kuthe ebusuku ngosuku olufanayo (ulwesithathu) ngamuzwa esempongoloza futhi ezinzulwini zobusuku ngavele ngabona ukuthi uzogcina kwayena esengazazi ukuthi umandla ngakuphi njengoba zihlukene kangaka lezi zinhlelo.
Sethembe ukuthi njengoba siqala izinhlelo ezejwayelekile kusasa kuzoba nokukhula nokuhloniphana phakathi kwethu esingabaleli nabasakazi.
Singayithokozela kakhulu neyakho imibono ngakho konke okuthinta ezemisakazo kule mininingwane engezansi: Instagram: @zowakha Facebook: Zowakha Mbatha Twitter: @Zowakha zowakha@ilanganews. co.za