Anekelwe umhlaba amahlazo ka-r Kelly
Uzamile ukuyinqanda i-docuseries eveza inkohlakalo yakhe
IZAMAZAMISE izinkundla zokuxhumana i- docuseries eneke obala amahlazo esihlabani esingumculi wer’nb waphesheya kwezilwandle, urobert ‘R’ Kelly, okubalwa kuwona awokuhlukumeza ngokocansi inqwaba yabesifazane namantombazane eminyakeni eyedlule.
Le docuseries ehlukaniswe iziqephu ezintathu ebizwa ngokuthi yisurviving R Kelly, ikhombisa abesifazane abangaphezu kuka-50, okubalwa kubona nobeyinkosikazi yalesi sihlabani, u-andrea Kelly, nomculi oke wasebenzisana kakhulu naye ur Kelly, usparkle begonyuluka beze bechiphiza izinyembezi bekhuluma ngokuhlukumezeka kwabo nokuthi baphunyuka kanjani ogibeni lwe- sexual cult yalo mculi abambiza nge- pervert.
Kuthiwa eminye yale mikhuba wayiqala ngeminyaka yo-1970, eseyibhungu. Yize kunemibiko ethi lo mculi oneminyaka engu-51, wodumo lwezingoma i"bump n Grind” nethi “I’m a Flirt” kwezinye, uye enkantolo ukunqanda ukusakazwa kwalolu hlelo, kodwa abesiteshi ilifetime, esizinze elos Angeles baqhubekile nokulusakaza njengoba lukhonjiswe okokuqala ngolwesihlanu.
Isiqephu sokuqala sibe ngundabamlonyeni kosaziwayo baphesheya kwezilwandle phakathi kwabo okubalwa ujohn Legend nomlingisi ukelly Washington nomphakathi imbala ikakhulukazi labo abebezifela ngephimbo elimtoti lalo mculi.
Ujohn Legend ubhale ekhasini lakhe letwitter encoma isibindi sikadream Hampton ongungqondongqondo walolu hlelo, wathi lesi yisikhathi sokuba sibezwe futhi sibeseke bonke abesifazane abagiliwe.
“Uyancomeka umsebenzi wakho futhi ngiyethemba ukuthi bazobuthola ubulungiswa,” kusho ujohn Legend.
Omunye wesifazane okhulumile, uthe lo mculi umbaxambili wathi kukhona ur Kelly bese kuba khona urobert.
“UR Kelly unothando, uhlale ejabule futhi uyabathanda kakhulu abantu, kanti urobert usathane uqobo lwakhe.”
Kuzokhumbuleka ukuthi eminyakeni edlule lo mculi uke wabhekana namacala okubalwa kuwona angu-21 abandakanya i- child pornography nelokubanjwa ezishutha i- video enza ucansi nengane. Isinqumo se- jury yangaleso sikhathi samthola engenacala.
Upearl Thusi ungomunye wosaziwayo baseningizimu Afrika abaphawulile ngalolu hlelo, wathi vele ubengasawulaleli umculo kar Kelly futhi akanasizungu sawo. Uthe iyodwa indlela azokweseka ngayo laba abahlukumezekile - ukuba aqinisekise ukuthi akayi-mbandakanyi indodakazi yakhe kunoma yini ephathelene negama likar Kelly. ayandab@ilanganews.co.za