VUKA UZITHINTITHE
ukwenaba wachaza ukuthi yaqala kanjani. Ngabe mhlawumbe kukhona yini wena iphutha owalenza elaholela ekubeni bagcine sebengasakuthandi? Kuye kube nzima ukuphendula kahle uma umnyombo wendaba ungacaci futhi kuvela nohlangothi olulodwa. Ngiyafisa nje ukwazi ukuthi izingane zakho zona zingena kanjani lapha noma yini le ezenza zithelwe ngamachaphazelo.
Ngaphandle kwalokho, ngicabanga ukuthi ukwesekwa okukhulu ukudinga kumyeni wakho, nguyena okufanele ame ohlangothini lwakho nezingane zenu, anivikele. Ngiyafisa nje nokwazi ukuthi uma ebizwa kubo aze atshelwe ukuba afike yedwa uye enze njani noma athini? Ngiyathanda futhi nokwazi ukuthi kukhona yini imizamo umyeni wakho aseke wayenza yokunihlanganisa njengomndeni ukuze nikhulume, kwenziwe inhlambuluko.
Nakuba kubuhlungu ukukhishwa wumndeni wakho inyumbazana kodwa ngesinye isikhathi kufanele usamukele isimo, uziphilele impilo yakho nabantwana bakho, uqhelelane nabantu abangukudingi. Mhlawumbe ngelinye ilanga kukhona okuyobathinta ezinhliziyweni, ubabone sebezibuyela bona kuwena, bezidlise satshanyana noma bacele uxolo. owathathela izinto phezulu, mhlawumbe wahlangana nomuntu okhonze ukuzincokolela noma umuntu ozidlalelayo nje.
Uma umuntu ekutshela ukuthi uyakuthanda akufanele bese uthathela izinto phezulu - phela kulula ukukhuluma into umuntu angayiqondile ngoba ukukhuluma akubizi mali, yingakho kuye kuthiwe uthando lubonakala ngezenzo. Maningi kakhulu amathuba okuba uzimoshela isikhathi sakho ngento engekho. Vula amehlo, ungahlaleli ubala ngoba uzosikhalela isikhathi sakho. NGINENKINGA, kunomuntu engithandana naye kodwa uma ngifuna ukuyovela kubo ubeka izaba okanye athi usemdala yena mayelana nomshado. Ngiyamthanda lo muntu futhi angifisi ukuba sihlukane ngoba nguyena muntu engazitshela ngaye nongizwa kangcono. Kunzima ukuqala impilo entsha. Uma ngibuka siyezwana.
IMPENDULO: Le ndaba yakho ingicabangisa isisho sesizulu esithi amathanga ahlanzela abangenamabhodwe. Angingabazi ukuthi baningi abesifazane engabe sebegxume bahlala kuvela ithuba elinje.
Baningi kakhulu abesifazane abadinga indoda efana nawe okuthi uma inothando ingacucuzi inikele kubo kwentombi iyocela isihlobo esihle. Kodwa-ke ngeke simehlulele lo wesifazane ngoba asazi ukuthi yini ngempela le emenza ukuba angagxumeli phezulu, anqake leli thamsanqa.
Ziningana izizathu ezingadala ukuba angakwemukeli ukuba uyovela kubo - kungenzeka ukuba akazimisele ngempela ngomshado noma akaziboni engumuntu ongachitha impilo yakhe yonke nawe emshadweni.
Kungenzeka futhi ukuthi ikhona into ethile akufihlela yona. Kungenzeka ukuba uyakuthanda kodwa hhayi ngendlela yokuthi seningaze nishade. Kufanele uqaphele futhi ukuthi kungenzeka ukuba wena uzitshele ukuthi nguyena ngqo wakho lo muntu kanti yena akekho lapho. Ake uhlale phansi udle amathambo engqondo.
Sicela bonke abafisa ukuthumela imibuzo noma abafisa ukusizakala ezinkingeni ababhekene nazo basebenzise inombolo kawhatsapp ethi 082
070 8034.