4. NGIYEHLULEKA UKUTHOLA UMAQONDANA
NGINENKINGA, angimtholi umaqondana wesilisa. Ngabe yini inkinga yami?
IMPENDULO: Yisimo esijwayelekile lesi, akusho ukuthi unenkinga. Ukuthola umaqondana akufani nokuphuma ekhaya uyotheza izinkuni ehlathini. Kujwayelekile ukuba kuthathe isikhathi eside ukuthola umaqondana. Ngesinye isikhathi uyahlangana nomuntu, nizwane nithandane kodwa nehlukane ngoba kusuke kungeyena umaqondana wakho.
Kodwa-ke futhi kungenzeka nokuba umaqondana umqalaze ezindaweni lapho engekho khona. Baningi abantu ababhekene nalesi simo okuso kodwa okubalulekile ukuba uhlale nje ulinde, uyoze umthole. Kuvamisile ukuba umaqondana afike ngesikhathi ungamlindele.
Enye into eyenza abanye abantu bangabatholi omaqondana yizinto abazibhekayo kumuntu kanye nemigomo abayibekayo. Ezinye zezinto ezisohlwini lwabakufunayo ziyinganekwane, yingakho kuze kuthiwe ngesinye isikhathi kudingeka ukuba wehlise imigomo oyibekile noma-ke ubaze okanye ubumbe owakho umaqondana ozoba nazo zonke lezi zinto osuke uzifuna. omthandayo futhi naye okuthandayo. Phakathi kwabantu ababili abathandana ngokweqiniso uma kudlula oyedwa emhlabeni kuye kuvuleke isikhala esikhulu okungelula ukuba sivalwe ngomunye umuntu. Futhi enhliziyweni kuye kusale isilonda esibuhlungu okuthatha isikhathi eside ukuba siphole.
Zinike isikhathi, unese isilonda esisenhliziyweni. Yamukela ukuthi lesi simo obhekene naso sisazothatha isikhathi eside ukuba sedlule. Zama ukuxoxa nabantu obethembayo osondelene nabo, ukhiphe okungaphakathi, ubatshele indlela ozizwa ngayo - kuyasiza lokho. Futhi uma kufika izinyembezi, kulungile ukhale, ungavaleli ngaphakathi ubuhlungu benhliziyo. Kungakusiza futhi nokubonana nodokotela wengqondo - angakulekelela ukuba ubhekane nalesi simo futhi ukwazi ukumelana nobuhlungu benhliziyo. Qina dadewethu.