Owosuthu ufuna ukuvuka ngenedbank
Usola abadlali ngezipho zechiefs
UMQEQESHI wamazulu FC, ucavin Johnson, uwuqondisa kubadlali bakhe umunwe njengoba ekholwa wukuthi benza amaphutha adicilela phansi ikilabhu.
Usuthu luzobhekana nehighlands Park kwilast 32 yenedbank Cup ngolwesihlanu ngo-20h00 eking Zwelithini Stadium, emlazi.
Usuthu luya kulo mdlalo nje, kusanda kwephuka irekhodi lalo lakule nkundla lokungehlulwa kule sizini emuva kokuba luguqiswe okokuqala kuyona yikaizer Chiefs kuba ngu-3-2 kowe-absa Premiership ngolwesithathu ebusuku.
Ujohnson ekhuluma naleli phephandaba, uwuqondise kubadlali bakhe umunwe, wathi yibona abenzela phansi le kilabhu.
“Uma ubheka umdlalo wethu nechiefs besiwuthwele kodwa sabulawa ngamaphutha awubungane enziwa ngabantu ngabodwana. Sibaphe amagoli amabili ngenxa yamaphutha ethu.
"Kuzofanele siyilungise le nto ngaphambi komdlalo wethu nehighlands Park.
"Ngesikhathi belapha bahambe nephuzu kodwa manje kufanele sikuqinisekise ukuthi kabahambi nalutho, bagoduka namajezi abo nje ukuyowawasha.
“Kuzoba wumdlalo onzima kodwa kanginavalo ngabo. Bangaphezulu kwethu impela kwi- log kodwa uma uyibuka (i- log) ithi sinamaphuzu angu-17, uma usufaka lawa angu-6 esiphucwe wona, siba namaphuzu angu-23 bese siba ngaphezulu kwabo.
"Leyo yinto iyatshengisa ukuthi kabangcono kunathi, yingakho kufanele singakuvumeli ukuba kwabo ngaphezulu kwethu kwi- log kusethuse,” kusho ujohnson.
Uthi uhlalele ovalweni lokuthi angalinyalelwa mdlali ejimini.
Isiyonke imidlalo yesigaba sikalast 32 yenedbank Cup imi kanje: NGOLWESITHATHU Ebidvest Stadium: Bidvest Wits vs Boyne Tigers FC 19h30.
E-old Peter Mokaba Stadium:
Polokwane City vs Tshakhuma Tsha Madzivhandila 19h30.
NGOLWESIHLANU E-athlone Stadium: Cape Umoya United vs Tshwane Univ of Technology 15h00.
Amazulu Eking Zwelithini FC vs Highlands Stadium: Park 20h00. NGOMGQIBELO Egoble Park: Free State Stars vs Richards Bay 15h00.
Esugar Ray Xulu Stadium:
Umvoti FC vs TS Galaxy 15h00. Enelson Mandela Bay Stadium:
Chippa United vs Mamelodi Sundowns 15h00. Ethohoyandou Stadium: Black Leopards vs Orlando Pirates 18h00. Ecape Town: Cape Town City vs Supersport United 20h15. Kanyamazane: Tjakstad JS vs Golden Arrows 20h15.
NGESONTO mhla ka-27 Kanyamazane Stadium: Mbombela United vs NC Professionals 15h00. Esisa Dukashe Stadium: Tornado
vs Kaizer Chiefs 15h00. Epuma Stadium: Witbank Spurs vs Maritzburg United 15h00. Egoble Park: Super Eagles vs Bloemfontein Celtic 15h00.
NGOLWESIBILI mhla ka-29 Edobsonville: Maccabi FC vs The Magic FC 19h30. Epeter Mokaba: Baroka vs Jomo
Cosmos 19h30.