AZIPHELI IZINKINGA ZESILOMO SE-MANCHESTER CITY
KAZIPHELI izinkinga kukevin De Bruyne ( osesithombeni) oyisilomo semanchester City eqhathwe nehuddersfield Town emdlalweni we-english Premiership namuhla ngesonto ngo-15h30 ekuhambeni.
Ihuddersfield yiyona ebambe ibhuleki emsileni we- log, kanti icity isendaweni yesibili phezulu njengoba izama ukuvala igebe phakathi kwayo neliverpool eqhwakele.
UDE Bruyne usehlale ngaphandle amahlandla amabili engadlali kule sizini ngenxa yokulimala edolweni. Uqale walimala ngoNcwaba (August) nyakenye. Uphinde walimala ngomfumfu (October) okuphoqe ukuthi ahlale izinyanga eziyisithupha engadlali. Nokho-ke useluleme ngokugcwele manje.
Ukulimala kubukeka kumphazamise kakhulu emoyeni njengoba ekhombise ukunengeka ekhishwa ngesikhathi behlula iburton ngo9-0 kowandulela owamanqamu weleague Cup ngeledlule. Uphume enkundleni wangaya ebhentshini kodwa waqonda ezindlini zokushintshela, okuyinto ephambene nemigomo yekilabhu.
Isenzo sakhe kubukeka kuyisona esiholele ekutheni angawuqali umdlalo olandelayo newolverhampton abawunqobe ngo-3-0.
Nokho-ke kunzima ukuqinisekisa lokhu ngoba nezinye izilomo ziqale ebhentshini. Kuzona kubalwa usergio Aguero, uriyad Mahrez no-ilkay Gundogan.
Upep Guardiola oqeqesha le kilabhu useke waphumela obala ngohlelo okumele lusetshenziswe ngude Bruyne ukubuyela ezingeni abekulona ngesizini edlule.
Lo mdlali ubambe elikhulu iqhaza ekutheni ibelgium ifinyelele kowandulela owamanqamu kwindebe yomhlaba ngonyaka odlule erussia. Uguardiola walile ukuphawula ngokuduba kukade Bruyne ukuya ebhentshini ngesikhathi emkhipha. Esikhundleni salokhu, uqhakambise ukushuba kombango wejezi ekilabhini ya- khe, akuchaza ngokuthi kumphathisa ngekhanda.
Isiyonke imidlalo ye-english Premiership enamuhla ngesonto ihlelwe kanje:
Huddersfield Town vs Manchester City 15h30 (SS3).
Fulham vs Tottenham Hotspur 18h00 (SS3).
Eyespanish La Liga ihlelwe kanje:
NAMUHLA NGESONTO
Real Betis vs Girona 13h00 (SS7).
Villarreal vs Athletic Bilbao 17h15 (SS7).
Levante vs Real Valladolid 19h30 (SS5).
Rayo Vallecano vs Real Sociedad 19h30 (SS7).
Barcelona vs Leganes 21h45
(SS7).
KUSASA NGOMSOMBULUKO
Eibar vs Espanyol 22h00 (SS7).
Eyeserie A yase-italy ihlelwe kanje:
NAMUHLA NGESONTO
Frosinone vs Atalanta 13h30
(SS9).
Fiorentina vs Sampdoria 16h00 (SS9).
SPAL vs Bologna 16h00.
Cagliari vs Empoli 19h00 (SS9).
Napoli vs Lazio
21h30 (SS9). KUSASA NGOMSOMBULUKO Genoa vs Milan 16h00 (SS9). Juventus vs Chievo 21h30 (SS9).