IHLOLA UMGADLI WASEMALAWI I-ROYAL EAGLES
INGASE isayinise umgadli waseMalawi iroyal Eagles enephupho lokunyukela kwi-absa Premiership ngesizini ezayo.
ILANGA Langesonto lithole ukuthi le kilabhu ingase ithathe u-atusaye Nyondo ogcine ukudlala kwibloemfontein Celtic.
Sekuwumlando ukuthi uke wagijima nakwi-university of Pretoria isalolongwa ngushaun Bartlett. Unyondo kulindeleke ukuthi adlale ngokuzwana no-uhuru Seleiman Mwambungu wasetanzania osanda kuqeda konke nale kilabhu.
Usazi Ngubane ocija i-eagles, uziqinisekisile lezi zindaba ngesikhathi exoxa naleli phephanda- ba ngolwesihlanu. Uthe lo mdlali ufike ngolwesine ekhempini yabo ukumhlola ngaphambi kokuthatha isinqumo.
Ungubane ukhulume kanjena nje, unzima umsebenzi obhekene naye kwazise unomdlalo obalulekile kakhulu werichards Bay FC kwinational First Division (NFD) namuhla ngesonto ngo-15h30 echatsworth Stadium. Ibay kayigayelwa mphako kulezi zinsuku kwazise ishaye istellenbosch FC ngo-2-0 ekuhambeni koweligi.
Ungubane uthe umdlalo womkhaya uhlale unzima ngaso sonke isikhathi. Nokho uthi bazimisele ngamaphuzu agcwele kwazise abadlali bakhe bawulambele lo mdlalo.
“Okuhle wukuthi ngiya kulo mdlalo nesikwati esiqinile njengoba ustrydom Wambi nosbonelo Boyce beyimiqemane, babuyile ekulimaleni,” kusho ungubane.
Udillan Solomons oyisikwibhisi se-eagles, uthe unethemba elikhulu lokuthi uzoyibhakuzisa inethi kulo mdlalo ukusiza ezakhe ukuqoqa amaphuzu agcwele. Isiyonke imiphumela yemidlalo YENFD ihambe kanje: Ubuntu 0, uthongathi FC 0; TS Sporting 2, Cosmos 1; Mbombela 3, Tuks 0; Spurs 4, Kings 1.
Munye umdlalo WENFD kusasa ngomsombuluko ozogijinywa yicape Umoya United nemaccabi FC ngo-15h30 e-athlone Stadium.