KUVELA IZINDABA EZIMBI NGOSHABBA
Ezakhe zibhekene nezembe eturkey
K UPUTSHUKA izindaba ezibuhlungu ngosiphiwe “Shabba” Tshabalala ogijima kwibb Erzurumspor yaseturkey njengoba kuvela ukuthi angase ashaye ibuya kwikaizer Chiefs esahlale isizini eyodwa e-europe.
Utshabalala uthuke woma esayiniswa yibb Erzurumspor ekuqaleni kwesizini kwazise iminyaka yobudala ibisihambile njengoba ingu-33. Bekubhekwe ukuthi abeke amakhokho ethala edlala kwichiefs kodwa le kilabhu yaseturkey yanquma ukumuthenga.
Leli phephandaba lithole ukuthi utshabalala angase asheshe abuye kuleli kwazise isimo sakhe sinzima eturkey. Ikilabhu yakhe isengcupheni yokugencwa yizembe njengoba isendaweni yesibili uma usuka emsileni we- log.
Isanqobe imidlalo emithathu kwengu-21 eyidlalile. Kuthiwa utshabalala ungomunye wabadlali asebetsheliwe ukuthi uma kuwukuthi ikilabhu igencwa yizembe, uzodedelwa yize esayine inkontileka yeminyaka emithathu.
“Utshabalala usetsheliwe ukuthi uma kuwukuthi ikilabhu igencwa yizembe uzokhululwa ngoba ungomunye wabadlali abahola kakhulu. Amathuba okuthi ikilabhu yakhe isinde mancane kakhulu ngoba iyehluleka wukunqoba imidlalo ngisho eyasekhaya.
“Kwayena udonsa kanzima, uhlale esebhentshini kokunye uyangena kokunye ahlale ngaphandle umdlalo wonke. Kodwa-ke kuvela nokuthi kungenzeka behle naye uma ezovuma ukuthi umholo wakhe wehliswe kakhulu.
“Nokho kakubukeki ezokuvuma lokho ngoba uma ebuyela kwiChiefs uzohola kakhulu kunokudlala esigabeni esiphansi eturkey,” kusho umthombo osipotshozele lolu daba.
Imizamo yokuthola utshabalala iphunzile njengoba inombolo enikwe leli phephandaba okuthiwa uyisebenzisa eturkey ibingangeni. Ezikatshabalala zibhekene nomdlalo onzima osekhaya namuhla ngesonto ngo-12h30 njengoba zizodudulana nesivasspor esendaweni ka-7 kwi- log.
Kulindeleke ukuba zithwale kanzima ezikashabba kwazise le kilabhu isinqobe imidlalo emibili ilandelana. Uma kuwukuthi utshabalala ugcina ngokubuya kuleli, kuzokube kungaqali ngaye njengoba nolebogang Manyama ogijima kwichiefs ehlale isizini kwikonyaspor yakhona eturkey wabuya.
Ugijime imidlalo engu-10 washaya amagoli amabili. senzos@ilanganews.co.za