KUGIYA ININGIZIMU AFRIKA KOWABABHALI

IZOBE igcagcele esokeni kubabhali nabathanda ukufunda kuqala umgubho waminyaka yonke, itime of The Writer, owenzeka okwama-22 nonyaka. Lo mgubho, ohlelwa yisikhungo icentre for Creative Arts (CCA), uzodonsa izinsuku ezine kusuka ziyi-13 kuze kube ziyi-16 kwezokwethwasa, undasa (March).

Okwehlukile nonyaka wukuthi ngababhali baseningizimu Afrika kuphela abazobe besina bededelana ukugqamisa umlando wakuleli ngokusho kukalliane Loots, ongumqondisi WECCA.

“Sizibophezele nonyaka ukuthi kugqame amazwi amaningizimu Afrika njengoba sifuna ukugqamisa ubuthina ngekhono lokubhala ngathi nekusasa lethu. Le festivali izosebenza ukugqamisa ubuqiniso,” usho kanje.

Ezinye zezindawo ezizosetshenziswa ngalo mgubho yi-elizabeth Sneddon Theatre E-UKZN, KZNSA Gallery, Auditorium Hall eclermont esizakala Centre yakhona, yigrosvenor Library, Inchanga nenanda Library kanti kungenwa mahhala kuzo zonke lezi zikhungo.

Phakathi kwababhali abagqamile nonyaka kukhona nesishoshovu samalungelo abantu besifazane, urosie Motene. Abanye ababhali ngududu Busani Dube (osesithombeni), Mandla Kanozulu, Cyril James, Siya Khumalo, Angela Makholwa, Slungile Mavuso, Shalo Mbatha, Walter Mncube, Lerato Mogoatlhe, Sihle Mthembu, Sifiso Mzobe, Sue Nyathi nabanye.

Ngale kwale festivali, kuzokwethulwa nezincwadi ezintsha nezigcawu ezahlukene zokwabelana ngolwazi ngalo mkhakha. Uhlu oluphelele lwezikhungo nezikhathi kuzotholakala kwi- website yakwacca.