UKUSUNGULWA KWASO
ESINYE sezikole esinomlando omude noqhakazile emfundweni yabesifazane bomdabu kuleli, Inanda Seminary, sigubha umkhosi wokuqeda iminyaka engu-150 sasungulwa.
Lesi sikole singesinye sezibonelo ezigqamile ngegalelo lezimishini zamabandla ahlukene ezaba nalo kwezemfundo. Inanda Seminary esebangeni elingu-25km enyakatho yetheku, yisikole sabesifazane bomdabu esiyifa lesizwe nesesikhiqize abaholi abaningi emphakathini wabomdabu, lokhu sikwenza sibhekene nezinselelo eziningi.
Umgubho wokuhlanganisa iminyaka engu-150 sasungulwa, uzoqala echapel ngehora le-10 ekuseni ngo
Mgqibelo mhla ka-2 ku
Ndasa
(March) kuwona lo nyaka. Phakathi kwezikhulumi eziqavile, kuzobe kukhona ubarbara Masekela, u-esther Sangweni nolindokuhle Ngwenya. Inanda Seminary esungulwe mhla lulunye kundasa (March) 1869 yi-american Board of Missions, ingesinye sezikole esikwazile ukuhlala sizimele naphezu kwengcindezi enzima yebantu Education.
Kuze kube namuhla lesi sikole kusalokhu kwaba yinhloso yaso ukuba sigxilise entsheni engamantombazane izisekelo zobukrestu: ubuqotho, inhlonipho, ubungani, ukucophelela nokuzithiba ukuze iphume lapha ingabaholi bezwe lakithi abanokuzethemba. Nakuba ngeminyaka yobandlululo ibandla i-united Congregational Church of Southern Africa (UCCSA), lakwenza konke okusemandleni ukugcina iqophelo lemfundo liphezulu kulesi