Baphume ngobuningi beyozwa izethembiso
Umaimane uthe bazodala amathuba emisebenzi
UMNU Solly Msimanga, ogaqele isikhundla sokuba ngundunankulu waseGauteng uma IDA inqoba okhethweni ngonhlaba (May), uthe ukugcwala kwenkundla emcimbini weda wokwethulwa komhlahlandlela wokhetho izolo ngomgqibelo kukhomba ukukhula kwaleli qembu.
Lo mcimbi wethanyelwe yizinkumbi zabalandeli beda erand Stadium, eningizimu yegoli.
Umnu Msimanga uthe lokhu kugcwala kwenkundla kumkhumbuza ngezikhathi lapho babengakwazi ngisho ukugcwalisa ihholo.
I-DA ithi iqoke ukwenzela lo mcimbi egoli ngoba izimisele ngokudla umhlanganiso egauteng, njengamanje ephethwe YI-ANC.
Ethula umhlahlandlela umholi weda kuzwelonke, umnu Mmusi Maiamane, ugcizelele emazwini okuthi izwe lidinga ushintsho manje.
Uqhubeke waveza okuningi okuqukethwe wumhlahlandlela wabo, athi bazokwenzela izwe.
Ezethembisweni ezenziwe yida ayisalanga indaba yokusweleka kwemisebenzi nokuthuthukiswa komnotho okuyiyona cishe wonke amaqembu epolitiki azogxila kuyona emikhankasweni yokhetho.
Umaimane uthembise ukuthi bazodala amathuba emisebenzi futhi bagxile ezinhlelweni zokuthuthukiswa komnotho, balwe nenkohlakalo.
Mayelana nodaba lomhlaba olushisayo, IDA ithi iyakholelwa ekubalulekeni kokuhlelwa kabusha komhlaba, yathi uma luhanjiswa ngendlela efanele lungaba yithuluzi lokuthuthukiswa komnotho kubantu nasemphakathini.
editor@ilanganews.co.za