Umlingisi ugxeka uhlelo lwe-
Uthi kaluhlosile ukusiza abantu kodwa lusizakala ngezinhlupheko zabo
U-ATANDWA Kani ongumlingisi oyisilomo, ugxeke uhlelo lukamabonakude olusihloko sithi Seng’khathele - uthi kujikwa izinhlupheko zabantu kube ngezokuzithokozisa.
Lolu hlelo lwethulwa ngulerato Mvelase olingisa usbongile Mkhize kwisibaya. Lukhonjiswa kumzansi Wethu, (Dstv 163), kanti selube nedumela ngokuletha abantu abasuke befuna ukulaxaza abantu abathandana nabo.
Embhalweni wakhe u-atandwa awushicilele enkundleni yokuxhumana, itwitter, uthe: “Eqinisweni nje lolu hlelo iseng’khathele luyinkinga, luhlekisa ngokuhlupheka kwabantu.
"Baphi abasiza ngokwengqondo (ama- psychologists, social workers, helplines noma ama- therapists)? Bahluleka nawukunika intokazi i- tissue ukuze yesule izinyembezi. Bayibuka isula ngesikibha ebisigqokile,” kusho umbhalo.
Ukuphawula kuka-atandwa kulandela isiqephu esidlale ngomgqibelo owedlule, ebesidabukisa lapho bekunentokazi ebizokwaliwa yisoka layo, ebidinda isililo, ikhala nangokuthi ize yangena ezidakamizweni ngenxa yalobu budlelwano.
Ibikhala nangesoka layo ukuthi beliyihlukumeza. Abalandeli baka-atandwa, ekhasini lakhe, nabo bahambe emagameni akhe bekhala ngalolu hlelo. Abanye babalandeli bakhe baphawule kanje:
@khakhu_m: Siphila emhlabeni lapho kuhlekiswa khona ngathi ukuze kwenziwe imali. Lezi zinhlelo azizele ukusiza abantu, kodwa ezokuveza ubuthaka babantu ukuze kwenyuke izibalo. Alukho usizo abanikwa lona. KUNABANTU abazalwa bembethe, abavele baphiwe imali nje bengenzanga lutho! Ukhona nje ongangichazela ukuthi usomizi Mhlongo wenzani kulolu hlelo lwasekuseni, kwimetro FM, ifresh Breakfast?
Phela UDJ Fresh uzisakazela yedwa laphaya, angiqondi ngempela ukuthi usomizi yena yini iqhaza lakhe. Ngihlale ngimuzwa efakazela okusuke kushiwo ngufresh, angazi-ke noma uholela ukuba nguFakazile yini.
Futhi nje life is so unfair ungathola ukuthi usomizi ndini lo, uhola ukwedlula abantu abasebenza ngempela. Thatha Somgaga! WAZE wazilaya UDJ Cleo wavakashela ubricks ejele. Ngisho nokungenadosi bese kusizakele, kutinyela. Ngizwe nalo phaphiyosi onguboity Thulo esephawula ethi bekungamele ukhulume nobricks ejele. Kuhle nje ngoba uphaphele UDJ Cleo umuntu okwaziyo ukuziphendulela. Niyahlupha Boity ngokuthanda ukubukwa - nivele nenze izinto ngoba nifuna uku-'threnda'. Mxm!
Kodwa nawe-ke Cleo, wawuhlaleleni sonke lesi sikhathi ungakhulumi nobricks, nixolelane njengoba uze uya kuyena esesezikhindini? Nawe nje ubuvele ufuna yona 'igqams'. Nikuthanda kabi phela nina ukwenza izinto ezingenangqondo ngoba nifuna ukugqama! - Yingakho abanye bethu bewugwema umabonakude manje.
@Paulus_mnisi: Ngehlulekile wukubuka isiqephu sonke. Umethuli akazange ethuke nakancane ngesikhathi owesilisa ethi wamkhipha amazinyo. NGIPHOXEKILE ngizwa kuthiwa uzimdollar uquleke emsakazweni. Kanti ngempela banjani abantu ngaphandle? Iyangisolisa le nto yokuvele kuquleke uzimdollar. Ngisola sengathi umabiyela ufela usgiya Ngengoma. Ngiyaxakeka ukuthi naye yini abe ntekenteke. Ngokwazi kwami le ntokazi ivela eshowe manje angiqondi ukuthi kungani ishayeke kalula kanje - kufanele engabe uqinile ntombi, uyazi nawe ukuthi kuphilwa ndlelani lapho kwandawo. Phela kunezinkunzimalanga lapho eziphatha abafana abancane abakhuluma bashwashwathe. Okufanele ukwenze dadewethu ukuya ekhaya eshowe, uyoziqinisa. KADE ngabona ukuthi le Date My Family esakazwa kumzansi Magic ngesonto iyinto yokudlala. Ukhona nje ongangitshela ukuthi ubeyokwenzani khona lo mfana okuthiwa ngusyanda Maphumulo? Ngimangalile ngimbona esiqeshini salolu hlelo ngesonto eledlule, ngazitshela ukuthi uyoshaya la mahlaya akhe angena- spice. Awusho vele Syanda ubuyofunani kwidate My Family ngoba ngiyayazi intombi yakho? Uyazi ukuthi leli thuba odlala ngalo kunabantu abalifisa ngempela njengol’vovo nje kanje, abangalutholi uthando lweqiniso?
@M2ABA2: Iqiniso! Kulezi zinsuku abantu basebenzisa usizi lwabanye njengokuzijabulisa, futhi sekuyaphuma esandleni. Le nto yokwenza imali, isibuqedile ubuntu. Eqinisweni, umabonakude unomthelela kithina futhi kubalulekile ukuba kube Sengizoyeka manje ukubuka lolu hlelo ngoba sengibone kahle ukuthi luwumdlalo. nezibonelo ezinhle ukuze sifunde okuthile ezingqinambeni abantu ababhekana nazo. Ngivumelana kakhulu nawe.
@Srbashataylor: Asikwazi ngisho ukubhekana nezigulo zomqondo ngendlela enokuphepha ngoba kubhekwe ukusetshenziswa kwabantu nokwenyusa izibalo. Uma ulalela izinto ezishiwo ngabantu kulolu hlelo, uvele wephuke umoya ngenxa yamagama afana nokuthi “Angisafuni ukuphila”.
@Rara__: Yingakho ngingazibuki izinhlelo ezifana nekhumbul’ ekhaya nezifana nayo. Thina bantu abamnyama siyizigqila, siyasetshenziswa futhi siyahlukunyezwa, bese sijatshuliswa yilokho nokuyinto ecebisa abantu abathile ngezilonda zabanye.
Umethuli wohlelo ulerato Mvelase ube esephendula ethi: “Kuningi okwenzeka ngale ngemuva okungavezwa ngoba kakusiyo ingxenye yohlelo.”
Inkampani ekhiqiza lolu hlelo, itribal Media House nayo iphendulile yathi: “Siyabonga ngokukhathazeka kwakho. Siyakuqaphela nokuthi ababukeli bakhathazekile.
Kutshengisa ukuthi nonke niyalubuka lolu hlelo, siyakujabulela ukuthembeka kwenu nemibono. Unthabiseng noseun sibanike lolu sizo olulandelayo, ukukhuluma ne- psychologist, ama-therapy sessions awu-5, bayiswa nase- rehab centre.” YHUUUUUU, hhay shem isatafrika izokumangaza? Futhi uma ungayazi, ungazilengisa ufe ushiye umndeni wakho.
Naze namthelekela lo dade odansela UDJ Tira, obizwa ngokuthi nguslender. Nimthelekele waze wafisa ngisho ukuziphonsa emgqonyeni kadoti azivalele phakathi.
Ingane yabantu ibizigqokele izitshela ukuthi konke kuhamba kahle, hhayi kuphi khona, base beyibonile abahlaziyi bakwisocial network abane- data eningi.
Babodwa abebekhomba izinzipho zentokazi, abanye bekhomba amadolo, abanye bekhomba lokhu nalokhuya.
Kodwa-ke nawe mtakamama usuyiqhakambiselani iminwe enezinzipho zokufakelwa ezingaphelele? Hhay nawe nje uyahlupha. Kanti awuzibuki yini uma uphuma endlini njengabo bonke abantu besifazane?